Phah sangeh ki Karbi iaka jingialang ha Mukoiram, khlem pyndem u kyrtong ka UDP Mynsngat Khanduli
Ki katto katne kiba kam ialade kum ki sengbhalang na West Karbi Anglong, Assam haka 11 tarik Rymphang kila wan ban pynsangeh iaka jingialang ialap elekshon MDC jong u kyrtong ka United Democratic Party (UDP) sha ka JHADC na Mynsngat Khanduli u ma Damian S War haka shnong Mukoiram.
Nakaliang un u kyrtong ka UDP ula rai rangbah bad shim iaka sienjam ban iaid shakhmat ban pynlong iaka jingialang ban pan ka jingkyshan jong u paidbah ka shnong Mukoiram.
Kine ki seng na Karbi Anglong kila ong ba kane ka shong na Mukoiram ka hap hapoh ka Wes Karbi Anglong, Assam, kumta u kyrtong ka UDP um lah ban pynlong iaka jingialap bad kala don ka jingiania kaba la neh katto kate por. Hynrei hadien kila phet noh na katei ka jaka bad ka jingialang ruh kala iaid shakhmat.
U Damian haba kren ha kane ka jingialang ula ong ba kum u nongtrei kam bhalang uba ju bad ka seng FKJGP ula don ryngkat bad ki shnong haka thain khappud, kumtu ruh ula kyntu iaki nongshong shnong ba kim dei ban tieng ban smiiej.
“Lada ngi iap ruh ngi la long kiba la pynkhreh, bad ngim kwah ban mih jingklumar, hynrei ka jingiakhun kalong kaba ma ha border, hynrei mynta ka sngi ruh ngim dei ban pyndem, hynrei dei ban iengskhem na ka bynta ka jaibynriew,” ula ong u Damian bad ula kyntu iaki nongshong shnong ban don ryngkat bad u bad kyrshan ia u ban iasaid na ka bynta ka jong ki bad ula bynrap bah aba iakhun iaka elekshon ka long ym na ka bynta jong u shimet, hynrei na ka bynta ban iada iaka khyndew ka shyiap bad ki shnong ki thaw.
Kawei pat ka jingjia haka shnong Shnongthymme ha Block I kaba dei shaki thain Mowlber, Mowjem hapoh ka Barato Mukroh Constituency haka por ba long jingialang ka kyrtong jong ka seng Indian National Congress ka Kong Banikas Laban ki briew na ka Karbi kila wan poi ban pynsngeh iaka jingialang
bad kila ring video bad hadien katto katne por ki nongbud jong ka Kong Banikas Laban
La iathuh ruh ba kila ioh phone na ki pulit Assam bad bthat iaki ban nym pynlong jingialang ialap elekshon ha West Karbi Anglong District. Ka Kong Banikas kala rai ban pynlong noh iaka jingialang tang katto katne por khnang ban lait na kino kino ki jingjia.

Leave a Reply