Phah shongdur Aadhaar ban ioh rashon: DC Khliehriat

Syllad | The Rising MeghalayaAugust 27, 2020

U Deputy Commissioner (Supply), East Jaintia Hills District u pynbna paidbah ba ka Ministry of Consumer Affairs, and Public Distribution bad ka Sorkar Jylla lyngba ka National Food Security Act 2013 Reforms in Targeted Public Distribution System Chapter V Section 12 (2) (c) ka la pynlong kyrpang ia u Aadhaar ha ka ban ithuh bad pynshisha ia ki nongioh jingmyntoi kiba hap haka Public Distribution System.

La pyntip sha baroh ki nongioh jingmyntoi, u lane ka khlieh jong ki long ing kiba don ia ka card AAY lane PHH bad kiba ioh jingmyntoi na ki skim kiba hap hapoh Public Distribution System ba ki dei ban don ia u Aadhaar namar ba shen yn sa pyntrei kam ia ka Electronic Point of Sale (ePoS) Machine lyngba ki dukan rashon. Kane kan wanrah ia ka jingshakri kaba khuid bad ha ka ban pyntrei kam janai lyngba ka ‘One Nation One Ration Card System’ ha ka jylla jong ngi bad ka ri India baroh kawei.

Ha kaba iadei bad kane, ki nongioh jingmyntoi ki lah ban leit pynrung kyrteng naka bynta ban ioh ia u Aadhaar ha ka Ophis jong u Deputy Commissioner, East Jaintia Hills District, Khliehriat lane jong ki Block Development Officer, Khliehriat bad Saipung Block lane Post Office jong ka  East Jaintia Hills District ha kano kano ka por ba long trei bad katkum ki rukom pyniaid jong kitei ki jaka pynrung kyrteng Aadhaar.

Shuh shuh, na ka daw ka jingdon jong une u khniang jingpang COVID 19 bad ban iada, donkam ban bud pynkhing bha ia ki jingbthah jong ka Tnat ka koit ka Khiah ha ka por ba ki leit pynrung kyrteng ialade.