Phah tah Vaccinated bad Not Vaccinated ka Dorbar Shnong Iawmusiang, banjur iaki nongdie dukan, nongdie madan ban bud iaki adong

Syllad | The Rising MeghalayaJuly 4, 2021

Ka Dorbar Shnong Tympang Ïawmusiang Jowai kala phah tah ia baroh ki nongshong die dukan bad ki nongdie jingdie ha Iawmusiang iaka kyntien Vaccinated ne Not Vaccinated kaba iadei bad ka jingai tika bad ki bym ai tika COVID-19.

Ki dukan lane ki nongdie ki lah ban tah ruh da ka certificate kaba kila dep ai tika.

Ka Dorbar shnong Tympang Ïawmusiang kala kyntu ia baroh ki nongdie jingdie bad ki dukan ban bud ryntih iaka jingbthah jong ka bor synshar district West Jaintia Hills bad kala khublei ia u Deputy Commissioner uba la shimkhia ban pynïoh jaka kyrpang na bynta ki nongshong die madan kiba ju die ha lynti iaid kjat paidbah.

Katkum ka hukum ba la pynmih da u DC haka 3 tarik kine ki iew shipor kiba la tip kum ki Temporary Vending Zones ki kynthup iaka Iaw Seinraij, Iawmusiang, Iawchyiap (JPC market) Chutwakhu, Iawchor bad MTC Parking lot, Iawmusiang naduh ka por 9 am haduh 3 pm.

Kine harum ki dei ki sngi bala lah shongdie ha kine ki iew:

Sngi	Dukan bad Number
Monday / Sngi Nyngkong	1 & 4
Wednesday / Sngi Balang	2 & 5
Friday / Thohdieng	3 &6

Ka Dorbar shnong Tympang Ïawmusiang ka la kyntu ïa baroh ki nongthied nongpet ban leit thied ïaki jingdonkam ha kitei ki jaka ba la buh bad lada lap ïa kiba leh pyrshah ne kiba shong die haki lynti ïaid kjat yn pynshitom ïaki katkum ki aiñ jong ka shnong.