Phah tohkit sorkar jylla iaka jingsiat iap ki BSF ia u nongniah kali: Prestone

Syllad | The Rising MeghalayaMay 6, 2023

U Symbud Myntri Rangbah ka jylla u Bah Prestone Tynsong u la ong ba ka sorkar ka la phah ban tohkit halor ka jingshah siat iap jong u rangbah ha ki shipai BSF hajan shnong Mawshun harum ka Pynursla ha ka miet sngi Thohdieng.

U Bah Prestone haba kren haka sngi Saitjain, u la ong ba ha ka jingshisha ka kam u BSF ka dei sha khappud, hynrei ba ka jingdon ka jingshalan masi tuh, ki BSF kila pyrkhing bha iaka khappud ban tem iaka shalan beaiñ.

“Ka kali ka iaid khlem sangeh kaba pynlong ia u BSF ban siat, hynrei watla katta ngam pat lah ban ong tad haduh ban ioh ia ka jingtip bniah,” la ong u Bah Prestone bad ula ong bala bthah iaki Pulit ban pynlong iaka jingtohkit bad ban ai iaka report ha miej jong u haka sngi Nyngkong.

Une u rangbah uba shah siat iap haki BSF u dei u Bah Roning Nongkynrih ba na ka shnong Jalynteng, Nongkynrih. Ula shah siat ha ki shipai hajan ka shnong Mawshun harum ka shnong Pynursla.

U para jong u Roning uba dei u nongbud kane ka trok ula sakhi ia kane ka jingjia. U para jong u Roning ula iathuh ba ki kit masi na Laitlyngkot ban pynhap haki thain Pynursla. Kiba haiing kila mudui ruh iaka jingujor ejahar pyrshah iaki BSF ha Pynursla Police Station.