Phah wan mih u DC East Jaintia Hills iaki malik dewiong ha ophis jong u

Syllad | The Rising MeghalayaAugust 3, 2020

U Deputy Commissioner, East Jaintia Hills District, Bah FM Dopth ula phah wan mih ia baroh ki malik dewiong kiba thew ia u dewiong jong ki ban wan mih sha ka ophis treikam jong u.

Katkum ka jingpynbna kaba la pynmih da ka ophis u DC ka ong “Ha ka ba iadei bad ka jinglilam ne auction da ka Coal India Limited ia u dewiong u ba la dep pynmih ne sei lypa bad dep shim jingkhien (assessed) da ka ophis u jong u Deputy Commissioner, East Jaintia Hills District bad ia kaba lah dep mynjur ruh da ka Hon’ble Supreme Court.

U Deputy Commissioner u la kyrpad ia baroh ki trai dewiong ki ba la dep thew ba kin sngewbha ban wan mih sha ophis jong u khnang ba kin ioh ban shim ia ki kot ba donkam jong ki.”