Phet noh u MDC Jowai Central sa na ka TMC

Syllad | The Rising MeghalayaAugust 19, 2024

U MDC Jaintia Hills Autnomous District Council (JHADC), Jowai Central u Andrew A Shullai ula phet noh na ka seng All India Trinamool Congress (AITC).

Ha ka shithi iehnoh kam kaba ula phah sha u president Meghalaya All India Trinamool Congress, bah Charles Pyngrope, ula pyntip ba ula iehnoh iaka jinglong dkhot na ka AITC mardor.

“Nga ai khublei ia phi ba phi la ailad ia nga ban don bynta bad ka seng, khamtam eh ia ka jingkyrshan kaba nga ioh ha ka elekshon Assembly kaba la dep,” la ong u Andrew haka shithi iehnoh kam.

Lah ban pynkynmaw ba u Andrew ula jop nyngkong u MDC na ka Congress ha u 2014, ka sien kaba ar ula jop ruh ka dei na ka Congress ha u snem 2019, hyrnei shuwa ka dorbar tlang ka JHADC ha u snem 2019 kala don ka jingpyrshang jong u ban rung sha ka BJP, kynthup iaki MDC UDP u ma Lakhon Biam, Dawan Lyngdoh, J Treilang Suchiang, Krison Langstang bad thmu ban pynkylla nongialam ka JHADC kaba la poi ruh shaduh u pud ban ujor sha ka iing bishar.

Nga klumar ïaka hukum jong ka Meghalaya High Court bad ngan‘Prorogue’ ïaka Dorbar Tlang: Ailad Bhoi

Namar ka jingduna paid, wat ka shuki Chairman kaba la ioh bat u ma Lakhon Biam ruh la hap ban duh noh bad kila hap ban shong haka liang pyrshah kum ki MDC BJP. U Andrew ula neh haka Congress.

Haka election MLA 2023, lai ngut ki MDC kynthup ia u Andrew, Brighstar Chyrmang bad u Robinus Syngkon kila rung sha ka TMC.

Mynta ka jingkylli kaba bun uba lang kalong u Andrew Shullai un pyniasoh bad no? Ka Congress haduh mynta kam nud ban pynshitom ia u kum ba leh ia kiwei pat ki dkhot jong ka?

U Dr Sankey Shangpung u Chairman ba thymmai ka JHADC