Phiel Lockdown ha East Jaintia Hills, puk mih u paidbah ban pyrshah kit dewiong na Assam ba tieng khlam COVID-19

Syllad | The Rising MeghalayaMay 13, 2020

Ka Lockdown kaba la pynjari ha kylleng ka ri bad ka jylla ban tem ïaka jingpur ka khlam COVID-19, kala phiel ha East Jaintia Hills District ha kaba u paidbah ha ryngkat ki synjuk bad ki sengbhalang kila mih paidbah sha surok ban pyrshah iaka sorkar Jylla halor ka jingailad jong ka ban kit dewiong na Assam, ka jaka kaba pur u khlam Coronavirus (COVID-19) ha lad Jaliyiah, East Jaiñtia Hills District mynta ka sngi Balang.

Da ki spah spah ngut ki paidbah kila mih sha surok hapoh ka jingialam ka Jaintia Amalgamated Redressal Forum (JARF), Synjuk Waheh Shnong East Jaintia Hills District, Jaintia Coal Miner Dealer Association (JCMDA), East Jaintia Coal Supplier Association (EJCSA), Meghalaya People Labour Union (MPLU), Jaintia HIils District Committee, Jaintia Students Movement (JSM) Central Body, East Jaintia National Council (EJNC), Hynniewtrep National Youth Front (HNYF), Hynniewtrep Achik National Movement (HANM) East Jaintia Zone, Khasi Students Union (KSU), East Jalntia Hills District, Jaintia Student Union (JSU), Jaintia Youth Federation (JYF), Southern Border Youth Welfare Association (SBYWA) bad kiwei kiwei kila mih puk ban pyrshah iaka hukum jong ka sorkar ban kit dewiong na Assam, ka jaka kaba la sar ka khlam COVID-19 ban pyndap pynbiang dewiong iaki kharkhana dewbilat ha East Jaintia Hills.

Also Read | Wat khot sngewbha iaka khlam COVID-19, pyllait ia u dewiong 2 lak ton ba mynjur ka National Green Tribunal ong ka JSM, HANM & JNC

Ha kane ka jingpyrshah jong kine ki synjuk bad ki sengbhalang, u District Magistrate East Jaiñtia Hills District Bah FM Dopth, u Superintendent of Police, East Jaiñtia Hills kila hiar sha lad Jalyiah ban kyntu ïa kine ki synjuk bad sengbhalang ban ai por ïaka bor synshar district ban pynsngew sha ka sorkar iaka jingdawa ban pynsangeh ïaka jingkit dewiong na Assam bad kiwei ki Jylla ban pyndap pynbiang dewiong iaki kharkhana dewbilat ha East Jaiñtia Hills District.

U bah FM Dopth District Magistrate, East Jaintia Hills District ula pan por saw sngi, kata haduh ka sngi Nyngkong, kaba kine ki synjuk bad sengbhalang ruh kila mynjur ban ai por ia u District Magistrate ban pynbeit halor kane ka kam.

Kine ki sengbhalang bad synjuk kila pynpaw ka jingpyrshah kaba jur iaka sorkar namar ba ka lehbymsuidniew iaka jingud jingnam jong ki, wat hadien ba kila ai da ki dorkhat bun tylli sha ka sorkar.

Also Read | Ka sorkar MDA ka pah iaka khlam COVID-19 ong kiba phet na ka NPP

Kila pynpaw ba kane ka jingpyrshah jong ki iaka jingwanrah dewiong na Assam, ka dei namar ba ki tieng ba une u khning COVID-19 un pur lyngba ki nongniah trok bad ki nongbud trok kiba kit ia une u dewiong na Assam sha East Jaintia Hills District.

Hadien ba la dep iakren bad u DC ki nongialam ka Jaintia Amalgamated Redressal Forum (JARF), Synjuk Waheh Shnong East Jaintia Hills District, Jaintia Coal Miner Dealer Association, East Jaintia Coal Supplier Association, Meghalaya People Labour Union Jaintia HIils District Committee bad ki sengbhalang da kawei ka sur kila rai bna mynjur ban ai por ia u DC ka District ban iakren bad ka sorkar.

Also Read | Sdang ka jingiakhih ka JSM, byrthen iakhih sa ki nongkhaii bad sengbhalang ba kit dewiong na Assam

U President jong ka Synjuk Waheh Shnong, East Jaintia Hills District, u ma Satly Ryngkhlem, ula ong ba da kawei ka sur kila rai ba kin ai por iaka sorkar haduh sngi Nyngkong bad lada ka sorkar kam pyndam iaka hukum ban jingkit dewiong nabar Jylla, khamtam ka Assam kaba la sar u khniang Coronovuirus kin ym iatreilang shuh bad ka sorkar ban iakhun pyrshah iaka khlam COVID-19.

Also Read | Tur kynsan ki sengbhalang bad ki Waheh Shnong ha ophis DC ban pyrshah ïaka jingkit dewiong na Assam