Phra snem rai set phatok ka kashari ia u Se Phawa namar ka kam leh beijot

Syllad | The Rising MeghalayaSeptember 11, 2024

Ka Kashari Session Court ha West Jaintia Hills District ka la rai pynrem ia u Se Phawa halor ka jingdonkti ha kaba leh beijot ia kawei ka kynthei ha u snem 2008 da kaba set phatok ia u haduh phra snem kynthih.

Nalor kata ka Kashari ka la dain kuna ruh ia u T.5000, bad ba lada um lah ban siew un hap ban shong tam ha phatok sa na ka bynta shi bnai.

Ia kane ka rai la pynbna da ka Kashari ha ka 9 tarik mynta u bnai.

Ka Kashari ka la pynpaw ba namar katkum ka rekod u Se Phawa u la dep shong phatok lypa mynta lah shi snem saw bnai, kumta la khate noh ia ka shi snem saw bnai kaba u la dep shong lypa.

Kumta ka Kashari ka la pynbna ba u Se Phawa un shah set phatok sa na ka bynta hynriew snem phra bnai, bad ka jingbym siew ia ka kuna kan pynlong ia u ba un hap ban shong tam hapoh phatok sa na ka bynta shi bnai.