Phrung tuh ki runar ha DC ophis Jowai, rong tuh iaki wire

Syllad | The Rising MeghalayaSeptember 16, 2024

Ka long kaei kaei kaba sngewkhia ba ki riew runar ki iohlad ban rung haka ophis treikam jong u Deputy Commissioner, West Jaintia Hills District bad kyndang jubor iaki wire jong ka kor internet, cctv camera bad wire bording ba sam ding iaka ophis bad rong tuh ruh iaki da kaba suk.

Katkum ka khubor kaba iohlum la iathuh ba kane ka jingjia ka jia haka step phyrngap jong ka 16 tarik Nailur bad u Chowkidar ula iohi ia kane ka jingjia haka por kumba 7.00 baje mynstep.

Ka ophis jong u DC kaba don ha nongbah Jowai ka long ka ophis treikam kaba kongsan haka nongbah namar ba ki kot ki sla kiba donkam kiba iadei bad ka synshar khadar la buh iaki hynrei ki riew runar da kaba suk kila ioh rung bad pynjulor bad kyndang jubor bad ioh lad ruh ban phet da kaba suk rong iaki wire kiba la shongdor kumba shilak duna.

Ki pulit ka District mar ia jingioh jingtip halor kane ka jingjia mar mar kila leit sha ka ophis u DC bad hadien ka jingtohkit ki la register case hapoh Jowai Police Station bad la pynlong ruh ka jingtohkit ban lap iaki runar kiba donkti.