Phuh phieng ka Dorbar Kysu Kyntu ka Seiñ Khynroo Khyllood ka Seiñraij Pasyih

Syllad | The Rising MeghalayaMarch 7, 2021

Ka Dorbar Kyrsu kyntu ka Seiñ Khynroo Khyllod ka Seiñraij Pasyih (Raij Tuber) kaba long mynta ka sngi haka shnong Pasyih ka long kaba phuh ba phieng bad kaba jop da ka jing wan tuid ki khun ka Seiñraij Pasyih sha kane ka Dorbar Kyrsu Kyntu.

Ia kane ka Dorbar la sdang ia ka ha kapor 11:00 am bad haba sdang ia kane ka Dorbar la ioh shwa ia ka kyntien pdiang burom da u president ka Seiñ Khynroo Khyllod ka Seiñraij Pasyih u Phaimi Kyndait. Ha kane ka Dorbar Kyrsu Kyntu lawan ban ia shim bynta ruh da u Pa Daloi ka Elaka Jowai u Puramon Kynjing ha ryngkat ka sneng ka kyntu halor ka phang “Ka Niamtre ha ka jingiaid ka por” bad bud pat sa u Rgh, Bewil Shylla President ka Seiñraij Tuber halor ka phang “Ki khynroo Khylood ha ka Niam ka Rukom”.

Na ka liang jong u Rgh, Mario Biam General Secretay ka Sengkhihlang u la kren halor ka ka phang ka “Ka Sengkhihlang ha ki khun ki ksiew u hynniew trep u hynniew skum” bad la ioh ruh ia ka jingkren na u Rgh, Wom Chyrmang President ka Seiñ Kyntu Seiñraij 12- Daloi halor ka phang “Ka kamram ki khynroo khyllod ha ka imlang ka shalang” bad kahtduh la ioh ia ki jingsneng  jing kraw na u Pa Daloi Ka Elaka Shangpung u Shanki Langbang halor ka phang “ ka Tip Bru ka Tip Blai”.

Ban pynshong shit ia kane ka Dorbar Kyrsu Kyntu ka Seiñ Khynroo Khyllod ka Seiñraij Pasyih la ioh ia ki jing shad tynrai na ki khun ka Seiñraij Pasyih na ki kyntoit dong bapher bapher hapoh ka shnong Pasyih.