Phuh Phieng ka lympung ba 23 ka Seiñ Kyntu Seiñ Raij–12 Daloi ha Muktapur
JOWAI: Ka Lympung ba 23 ka Seiñ Kyntu Seiñ Raij-12 Daloi kaba la long haka sngi U Blei ha Seiñ Raij Muktapur ka long kaba shongshit bad iphuh iphieng.
Kane ka lympung kala sdang naduh ka sngi sngi Saitjain ha madan Lympung haka jingpyniaid u Rgh Wom Chyrmang President Seiñ Kyntu Seiñ Raij–12 Daloi.
![](https://www.syllad.com/wp-content/uploads/2024/09/JIT-Vacancy-823x1024.avif)
Iaka lama ka Seiñ la pynher ki longkmie ba kynthup iaka Chiangpot Pakyntien, Rmen Lakuna, Moline Buam, Bailin Syndai bad iaka Nguh Blei la pyndep da u Rgh Willy Pohplet President Seiñ Raij Muktapur bad iaki kyntien pdiang burom la pashat da u Rgh Rallender Pohti Waheh Shnong Muktapur.
Ha katei ka sngi la ban plie ruh ia u mawbynna sah nam kane ka Lympung ba 23 ka Seiñ da u President ka Seiñ Kyntu Seiñ Raij-12 Daloi bad u President ka Seiñ Raij Muktapur.
La pynlong ruh iaka jingai jinghikai halor ka phang ka “Shongkha Khynnah” ba la pynshai da ka Kong Emidaka Iakai Seiñ Raij Shangpung bad ka jingiathuh khana Niam Shaphang ki jingleh Niam hapoh ka Shnong Muktapur da u Rgh Benediction Buam, u Rgh Wanki Chyrmang President ka Seiñ Raij Jalaphet ula kren halor ka phang ka “Dustur ka Riti” u Rgh Mario Biam ula kren halor ka “ka jingiaid lynti ka seng” u Rgh Leki Sayo ula kren halor ka phang ka “Kamram ki nongwan kyrpang”.
La pynlong ruh iaka jingiakop ‘Quiz Competition’ ba la pyniaid da ka Seiñ Raij Nangbah.
Haka sngi babud la pyniaid iaka iaka lympung da u Rgh President ka Seiñ bad la ioh ka Nguh Blei na u RM. Garod Daloi Elaka Nangbah bad ki kyntien pdiang burom na u Chatis Phawa dkhot KKC 12 Daloi.
Iaka Report treikam jong ka Seng la pynsngew da u Rgh Chanki Nongrum General Secretary Seiñ Kyntu Seiñ Raij–12 Daloi bad ki jingshad tynrai “La Ritti “ na ki Tnad Seiñ Raij bapher bapher.
La ioh ki kyntien na u Rgh Bewill Shylla President Seiñ Raij Tuber halor ka phang “I Pyrnah Pyrjin ha ka Niam ka Rukom” u Rgh Omin Pohlong Seiñ Raij Lamin halor ka phang “ Ka Niam katkum ka Juk Mynta” bad u Rgh Felin Rynjah na ka Sengkhihlang halor ka phang “Ri iala Tynrai ban im ka Jaitbynriew” bad ki kyntien ai khublei na u Satndbyme Sari Publicity Secretary ka seng. Iaka lama ka seng la pynhiar da u Rgh Chui Pohlynjar Daloi Elaka Nongtalang.
Ha kane ka lympung la ai bok ai nusip iaki longing na ka shnong Muthlong kiba hap hapoh ka Seiñ Raij Muthlong kiba wan phai biang sha ka Niam Khasi hadien ka jingbakla lynti jong ki haka jingsakhi lang ki phew hajar ngut ki paidbah na ki tnad Seiñ Raij bapher bapher.
Nalorkata la iadonlang ruh ki MLA bad MDC kynthup ia u S.K Sunn MLA ka Mawphlang Constituency, u Gillroy Tariang MDC ka thain, u Lasky Rymbai MDC Wapung, u Lakhon Biam MDC Nongbah, Rgh, Hepsing Dhar Dalloi Elaka Nartiang, u Rgh Jolby Sana General Secretary Seiñ Raij Tuber, u Rgh Marshan Lyngdoh na ka Seng Khasi Mawphlang uba long u Vice-President barim ka Sengkhihlang, u Anup Kumar ABVP Organizing Secretary incharge Meghalaya, bad ka Kong Darilang Tang General Secretary ABVP Meghalaya State, u Dalloi ka Elaka Satpator, ki nongialam Niam Hindu na ka Shnong Muktapur bad la iadon lang ruh u Rgh Shibun Lyndoh President barim ka Seiñ Raij Tuber bad kiwei kiwei de ki riew rangbah.
Kane ka long katkum ka jingpyllait khubor u Rgh, S. Sari Publicity Secretary ka Seiñ Kyntu Seiñ Raij–12 Daloi.
Leave a Reply