Phuh phieng ka lympung ba 24 ka Seiñ Kyntu Seiñ Raij 12 Daloi

Syllad | The Rising MeghalayaFebruary 3, 2021

Ka lympung ba 24 ka Seiñ Kyntu Seiñ Raij 12 Daloi ka la poi sha ka kut haka 31/01/2021 ha ka shnong Rangad Seiñ Raij Rangad, East Jaintia Hills District. Ha kane ka sngi ki khun ka bri u hynniewtrep hynniew skum ki la tuid paidbah sha kane ka lympung ban ia shim bynta shitrhem.

Ia kane ka lympung la sdang ia ka naduh mynstep kaba la pyniaid ia ka da u Rgh, Wom Chyrmang President ka SKSR 12 –Daloi ha kane ka lympung la ioh ia ka jingkren pdiang burom da u Rgh, Meliyo Lyngdoh Executive member ka SKSR 12-Daloi bad ia ka General repot la ai da u General Secretary u Rgh Chanky Nongrum.

La ioh ruh ia ki jingkren na u Dr. Damewan Suchiang na ka Seiñ Raij Shangpung halor ka phang “Ka kamram ki khynroo khylood ha ka imlang ka Sahlang” bad kumjuh ruh na I kong Santina Mawlong iba long I Asst. General Secretary ka Sengkhihlang halor ka phang “U Hynniew Trep Hynniew Skum ha ka Sengkhihlang”.

Ban pynshongshit bad pynhuh pynphieng ia kane lympung la ioh ruh ia ki jing shad tynrai na ki tnad Seiñ Raij bapher bapher.

Ha kane ka sngi pynkut jong ka Lympung la wan ban ia sakhi lang ha kane da u Local MLA Kyrmen Shylla u ba long ruh u myntri jong ka Sorkar uba khmih ia ka Social Welfare department bad kiwei kiwei, u Lakhmen Rymbui  mynta kam pohiing bad kiwei kiwei.

Na ka liang jong ka Seiñ Kyntu Seiñ Raij 12 –Daloi ngi ai khublei ia ka District Administration kaba la ai jingbit ia ngi ban pynlong ia kane ka lympung ka long kaba jop wat hapdeng kaba hap ban bud ryntih iaka jingiada n aka khlam COVID-19.

U Rgh, S. Sari Publicity Secretary ka Seiñ Kyntu Seiñ Raij 12-Daloi ha u kyrwoh ba ula phah, ula pynpaw ba ka Seiñ Kyntu Seiñ Raij 12 Daloi ka khublei ruh ia u MLA ka thain u ma Kyrmen Shylla uba trei shitom ban pynbiang iaka ‘pandal’ bad ‘sound system’.

Ka Seiñ ka ai khublei ruh ia Rgh, S.K Sunn  MLA Mawphlang uba la nohsynniang sha ka seng, ka PWD , PHE, MeECL, Police Department  bad ka Health Department kiba trei shitom ryngkat ryngkat bad ka SKSR 12 –Daloi bad ka bor Shnong ban pynlong iaka lympung kaba jop.