Plie bad aiti ka Congress Mowkaiaw ïaki ar tylli ki ïing lanot pluh ding

Syllad | The Rising MeghalayaMarch 31, 2021

Ka 4-Mowkaiaw Block Congress Commitee (BCC) haka 30/3/2021 kala ioh ban plie don burom bad la aiti syndon ia ki artylli ki ïing kiba la shna da BCC bad ba la bei pisa da uwei naki riew rangbah jongka Party Congress u rangbah Firstly Syad sha ki ar tylli ki longïing kiba la duh noh iala ka ïing ka sem ha kine ki snem bala dep namar ka jingpluh ding.

Kine ki longÏing ki dei jongka Kong You Timung bad ka Kong Kmenlang Lamin naka Shnong Barato, West Jaintia Hills District .

Ïa kine ki ar tylli ki ïing la wan ban plie donburom ïaki da u Nongaibuit (Adviser) ka 4-Mowkaiaw Block Congress Commitee (BCC) u Nehimaya Tyngkan uba la shimti iaka jaka u Rangbah Firstly Syad kum u Kongsa, ha ka jingiadonlang u MDC jong ka thain u Aiborlang Shadap, u president ka 4-Mowkaiaw Block Congress Commitee (BCC) u Rikut N Parien, ka Secretary ka Mahila Congress Committee ka Kong Hababiang wan, ki riew rangbah jongka Shnong bad kiwei kiwei.

Ha shwa ban plie bad aiti ïa kine ki iing la pynlong iaka jingialang ba lyngkot ha phyllaw jong kawei na kine ki ing ia kaba la pyniaid da u Rangbah B. Talang. U Nehemayah Tyngkan haka jingkren jongu kum u kongsan, u la pynpaw iaka jingsngew nguh kaba khraw ia u Rangbah Firstly Syad namar ka jingbha jingsbun jongu tad haduh ba u la kloi ban pyllut naka bynta ban shna ia kine ki artylli ki iing bad ha kajuh ka por u la kyntu kynpham ia kine ki longing ban nangtrei shitom bad u kitbok kitrwiang ruh iaki ba kin shongsuk shongsain bad ban ioh ka koid ka khiah.

Ka Kong You Timung kawei na kine ki longing, haba ai jingkren ai khublei kada jaw hi brub ki ummat jingsngew kmen bad kala phla ruh ba kane hi ka dei ka jingkyrkhu kaba wan na sha lyndet kaba dei tang u Blei hi uba tip. Shuh shuh kala pynpaw iaka sngewnguh ia u Rangbah Firstly Syad bad iaka 4-Mowkaiaw Block Congress Commit (BCC) baroh kawei.