Plie dukan die mar bam bad jaka kynshew ki Muster Roll

Syllad | The Rising MeghalayaOctober 28, 2019

JOWAI: Ka All Jaiñtia Muster Roll Workers & Labour Union, Jaiñtia Hills kala plie iaka dukan die mar bam bad jaka kynshew pisa kaba Muster Roll Workers & Labour Consumer & Thrift Co – Operative Society Ltd.

La plie paidbah ïa kane ka dukan Muster Roll Workers & Labour Consumer & Thrift Co – Operative Society Ltd Kong DD Syngai, EAC, West Jaiñtia Hills District kaba long kum ka kongsan.

Ïa kane ka dukan la plie na ka bynta ban ïakyrshan mar kylliang hapdeng ki para ba ïatrei Muster Roll. Kane ka dukan bad ka thrift ka don ha Passah Market, Iawmusiang Jowai.

Ha kane ka jingplie ia kane ka dukan ki muster roll bad ka thrift la iadonlang u Ma Russel Nongrum, General Secretary Jaiñtia Journalist Association uba long kum u symbud kongsan, u Ma Khroo Lamsalangki Pariat uba long u President bad u Chairman,  u Bah Bah ANS Wahlang Assistant Registrar Cooperative Society nalor ki dkhot jong ki nongtrei Muster Roll bad Mid Day Meal na kylleng ka District haka jingïalang kaba pynïaid da ka Kong Dayoo Iakai.

Ka Kong DD Syngai kala ïaroh ïaki Muster Roll kiba la shim ïa kane ka sienjam ban ïarap para nongtrei Muster Roll. Kala kitbok kitrwiang bad ai ka kyrkhu kyrdoh ïa kane ka dukan bad ka thrift jong ki Muster Roll.

Ka kong Syngai kala ban jur ïaki nongpyniaid kane ka dukan bad ka thrift ban buh jingkhein da kaba shai khang ba kane ka co-operative kan iaid beit ïaid ryntih kat kum ka thong jong ka.

U Ma Russel haba kren ula ban jur ïaki nongtrei Muster Roll ban don ka jingkitkhlieh bad ban buh ryntih ïaki jingkhein jingdiah ha kane ka jaka kynshew pisa da kaba khuid kaba shai khnang kan neh pateng la pateng.

Ula kyntu ïaki nongtrei Muster Roll ban shimkabu ïaki lad jingïarap ka sorkar naduh ka MHIS bad ban register ïalade haka Meghalaya building & others constructions welfare board ban ïoh ki lad jingiarap ïaka pule ka puthi ki khun ki kti bad ki pension bad kiwei kiwei ki jingmyntoi.