Plie iaka jaka die dawai dielang ba nyngkong eh ha Mihmyntdu, West Jaintia Hills

Syllad | The Rising MeghalayaMarch 30, 2024

Ka Balianna’s Medicine Quality & Health Care kan long kawei na ki jaka die dawai Wholesale bad Distributor kaba nyngkong eh kaba la plie paidbah haka 30 tarik Lber ha Mookymphad, Mihmyntdu, West Jaintia Hills District.

Ha kane ka jaka die dawai lah ban ioh iaki dawai bad ki tiar ki tar sumar (surgical items) ba pyndonkam haki Hospital ne Clinic.

Kane ka dukan die dawa ka dei jong u Ma Balios Swer bad yn pyniaid iaka da ma Rimiki Challam

La wan plie paidbah ia kane ka Balianna’s Medicine Quality & Health Care da ka kong D Tariang, Drug Inspector DHS West Jaintia Hills District. Ka kong Tariang kum ka kongsan ka la pynpaw ka jingsngew kmen ba don kum kine ki briew kiba shemphang kiba wanrah ia kum kine ki dukan kiba lah ban iarap ban pynpoi kloi ia ki dawai sha kiba don kam iaki dawai bad tiar sumar.

Ka jingdon jong kine ki dukan die dawai ha jan kiba lah ruh ban pynbiang dawai ka pynsuk ia ki nongdie bad ia ki Doctor ban ioh ia ki dawai ba don kam ha ka por kaba biang, la ong kong Taring bad kala kitrwiang ia kane ka dukan ba kan lah ban shakri kham bha khnang ban long ka jingmyntoi ia u babun balang.

Ia ka jingialang plie ia kane ka dukan die dawai u Ma Balios Swer bad ka jingkren kyrkhu kyrdoh na u ma E Lyngdoh Waheh Chnong ka Caroline Colony. Ka jingpule na ka ktien jong U Blei na u ma Yoman Blah bad ki jingduwai na u ma Aibor Swer haka jingiadonlang kiba haieng ha sem u ma Balios Swer bad ki paralok.