Plie iew iadie iathied player ka WJDSA

Syllad | The Rising MeghalayaApril 3, 2023

Ka West Jaintia District Sports Association (WJDSA) kala pynbna ba kala plie ïaka ïew ïadie ïathied player jong ka wat kaba nyngkong kaba la tip kum ka First Window Inter Club Transfer jong kane ka aiom ialehkai.

U Hony General Secretary WJDSA, u Ma Lammat Oo Laloo ula ong, kane ka ïew ïadie ïathied rangïalehkai ka sdang bad kan kut haduh 15 tarik Ïaiong na ka bynta baroh ki division ne ki kyrdan ïalehkai naduh ka Super Division, First bad Second Division.

Ula ïathuh ba uwei pa uwei u rangïalehkai un hap ban soi ha khmat u Hony General Secretary WJDSA bad ka bai transfer kalong T.200/- uwei u player bad ban rah ryngkat ki dur stamp size u nongialehkai.

Yn nym pdiang ïa kiba phah pateng bad yn ym pdiang ruh ia kiba wan palat ïaka por ba ka buh.