Plie iew lai sngi ha East Jaintia Hills

Syllad | The Rising MeghalayaJune 12, 2021

U Deputy Commissioner, East Jaintia Hills District, Bah E Kharmalki ula pynmih iaka hukum ba ula shah ban plie dukan mar bam 3 sngi ha baroh ki iew ha district haka taiew ban wan.

Ki sngi ban shah ban plie dukan mar bam ne ki essential shops ha kine ki iew ka long haka 14 tarik, 16 tarik bad 18 tarik u bnai Jylliew ha iew Khliehriat East & West, baroh ka Ladrymbai, Umpleng Chiehruphi , Lumshnong, Sohkymphor, Sookilo, Saipung, Semasi, Jalaphet, Rymbai, Wapung, Sutnga, Bataw bad Umkiang.

Ka por ban plie kalong naduh 9 baje mynstep haduh 3 baje nonhphaisngi.

Shuh shuh ka hukum ka ong 50 percent ki dukan mar bam, hardware, electrical bad 20 percent kiwei pat ki dukan ba kynthup iaki dukan die jain, mobile, spare parts la shah ban plie hapoh ka jingpyniaid k ki Durbar Chnong/Market Committee

Ym shah iaki briew ban iaid na kawei ka district sha kawei. Ym shah iano iano ban mih khlem ki daw ba biang. Ki kali khlem pass lada lap kin shah pynshitom.

Ki dukan shnong la shah ban plie 2 PM haduh 6 PM bad ki hap ban bud ryngkhi iaki adong adit COVID-19 bad yn pyniaid da ki dorbar shnong ne VDP.

La shah iaki Home Delivery kiba la ioh jingbit ban ai mar sha iing briew.

Baroh ki Post offices la shah ban plie haka 14.06.2021, 16.06.2021 bad 18.06.2021 ( Monday, Wednesday and Friday) da kaba pynduna nongtrei haduh bad ka por trei kalong haduh 3 PM.

Ki bank kin plie naduh ka sngi Nyngkong haduh Thohdieng da kaba pynduna nongtrei.

Kiwei kiwei ki kam ba shah ki neh kumjuh hapoh ka district katkum ka hukum kaba la pynmih haka 4 Jylliew 2021.