Plie ka Jowai Co-operative Urban Bank Ltd iaki nongkynshew pisa ban thied Share na ka bank

Syllad | The Rising MeghalayaOctober 4, 2021

Ka Jowai Co-operative Urban Bank Ltd. Jowai kala pynbna paidbah ba kala kyntiew dor iaka Share Membership naka T.100/- shi share sha ka T.300 shi share katkum ka Byelaw ba thymmai ka bank.

Ka bor pyniaid ka bank kala ong ba kino kino ki dkhot ne member ka bank kiba kwah ban bteng iaka jinglong dkhot bad ka bank kin hap ban siew iaka bai member kaba thymmai katkum ka kyndon thymmai jong ka bank.

Shuh shuh kito ki dkhot kiba kwah ban iakhun iaka election sha ka Board of Directors iong ka Bank ki donkam ban thied share 10 share shaneng lane T. 3000/-, ki hap ruh ban thep T. 2,000/- shaneng haka saving kaba don ha Bank.

Ka Jowai Co-operative Urban Bank Ltd ka pdiang sniawbha ruh ia baroh ki nongkynshew pisa ne Customer kiba kwah ban thied share na kane ka bank.