Plie ka JS Fitness Center (gymnasium) iaka tnad ha Moowakhu, East Jaintia Hills

Syllad | The Rising MeghalayaNovember 14, 2023

U Superintendent of Police, East Jaintia Hills District Jagpal Singh Dhanoa haka sngi ba ar kum u kongsan ula plie paidbah iaka tnad jong ka JS Fitness Center (gymnasium) ha Moowakhu kaba hap ha Dkhiah West, East Jaintia Hills Distrct.

Ha kane ka jingplie paidbah la iadonlang u ma Francis Swer kum u symbud kongsan, Additional SP J Mairom, u ma Krison Langstang MDC, u Tbn. I Phawa bad kiwei kiwei ki riewrangbah ka thain. Ia ka jingialang la pyniaid da u Ma Reading War Advocate.

Kumban shu iathuh ba ka JS Fitness Center main branch ka don ha Khliehriat West Community Hall bad ban pyniar bad pynjan iaka lad jingai jingshakri jong ka kala plie ia kane ka tnad ban pynshlur iaki samla samhoi bad ki rangbah ban kilan met ban ioh iaka met kaba koit kaba khiah.

Ha kane ka jaka kilan kan don ruh ka zummba class. U trai jong kane ka JS Fitness Center (gymnasium) u dei u ma Johny Bareh na shnong Rymbai.

U ma Francis, ula ong ba ki samla bad ki ryngbah ki dei ban wan sha kum kine ki jaka kilan met khnang ba kin lait na ki kam sniew. Ka gym ka iarap ban pynioh iaka met ka phad kaba bit kaba biang (Physical fitness) bad kham tam ha ki jingkoit jingkhiah ha ka pyrkhat pyrdain (mental fitness).

La pynwai iaka program da ka jingduwai na I Tbn I Phawa.