Plie ka MPJ Jewellers ia ka jaka die jingdeng Ksiar bad Mawkordor ba itynnad ha Shillong

Syllad | The Rising MeghalayaFebruary 8, 2025

Ka Kompeni shna jingdeng Ksiar bad Mawkordor kaba ngi shaniah tam ha Meghalaya, ka MPJ Jewellers haka 7 tarik Rymphang ka la plie paidbah ia ka dukan die ia ki jingdeng Ksiar bad Mawkordor ba itynnad ha ka jaka kaba heh 6,500sqft ha Jail Road, Police Bazar, pyrshah  ka Courtyard jong ka Marriott, Shillong.

La plie ia kane ka dukan da ka nongrwai bad nongthaw jingrwai ba pawkhmat ka Jylla ka Jessie Lyngdoh kaba la khap ia u ribon ha ka jingiadon lang ki heh ki hain, ki nongialam, ki nongshah khot sngewbha bad kiwei kiwei.

Kane ka dukan ka la don ha Shillong naduh u snem 2012, bad MPJ Jewellers ka la long kaba khlain bha ha ka jingiadei ka jong ka bad ki briew ha kane ka jylla Meghalaya kaba la pyniashoh bha ia ka jingitynnad bad ka jingphuh jingphieng jong ka juk kaba mynta, ka jingshaniah, bad ka jinglong tynrai ha ki jingitynnad bad jingshongkhia ha ka rukom shna ia ki jingdeng Ksiar bad Mawkordor.

Haba kren shaphang ki mawjam jong kane ka kynhun shna jingdeng Ksiar bad Mawkordor, u Soumik Roy Chowdhury, Managing Diretor, MPJ Jewellers, u la pynpaw ia ka jingkmen kaba khraw da kaba ong: “Ka MPJ Jewellers ka la dei kaba hakhmat tam eh ha ka jingdie ia ki jingdeng ksiar bad mawkordor ha kane ka thain Shatei Lammihngi jong ka Ri India, bad ngi la ia iakyndeh mynsiem da ka jingkmen ba  ngin plie noh ia ka dukan kaba kham heh bad ruh ha ki thain kiba kham biangha kane ka Nongbah Shillong.”                           

U la ong ruh, “Kane ka jaka die kan pyni bad die ruh ia ki jingdeng ksiar bad mawkordor kiba bha bad kiba itynnad tam eh kiba ngi don, ka ban wanrah ia ka jingkmen bad ka jingsngewbha ia ki briew kiba shong ba sah ha kane ka Nongbah Shillong. Ban pynkynmaw ruh, kane ka dei kawei na ki dukan kiba heh tam eh ha ki thain Shatei Lammihngi, da kaba plie ia kane ka long ruh kum ka dak bad u maw nongrim ka jingjam shakhmat ha ka jingiaid lynti ka jong ngi sha kaba kham bha bad kham janai.”

Ban pynsawa ia ki jingpyrkhat ki jong ka, ka Jessie Lyngdoh ka la ong: “Ka MPJ Jewellers ka ju shna ia ki jingdeng kiba kyntiew bad pynitynnad ia ka dur ka dar –  kaba pynphuh pynphieng ia baroh khlem da pynshitom eh, bad ruh ba la shna bad ringdur ka kine ki jingdeng jingsad da ka jingstad bad jingshemphang.”