Plie ki Common Services Centres ban iarap iaki paidbah ban sei pisa & plie bank account

Syllad | The Rising MeghalayaApril 6, 2020

Ki Common Services Centres (CSC) ki plie ha man la ki shnong nongkyndong ban iarap ïaki paidbah nongshong shnong ban sei pisa kumjuh ban plie account thymmai.

Ki nongpyniaid jong ka CSC kila pyntip ba kum shibynta ban iakhun iaka jingpur u khniang coronavirus, kaba ri baroh kawei ka khang khyrdep ban iakhun pyrshah iaka khlam corona bun naki paidbah kiba sah sha nyngkyndong ki shem jingeh bha haba kumno ban ioh sei pisa na ki bank namar ba kim ioh shu ban mih na iing bad ki jngai ruh na ki bank bad ki ATM, hynrei na kaliang ki ba pyniaid iaki CSC kila pynbna ba ki plie ban iarap ia u paidbah.

Ha kum kine ki por ki ba ki nongshong shnong ki hap ban shong ha iing hala ki jong ki shnong, hynrei Common Services Centres (CSCs) ban ai ka jingshakri ha ki thain nyngkyndong  ki plie iaki Customer Services Points (CSPs) ban iarap ia ki paidbah ha kane ka por ban sei pisa na ki bank account jong ki kumjuh ruh ban plie ia ki saving accounts ia kito ki briew ki bym don saving account.

Lyngba ka CSC ki paidbah ki lah ban pynrung kyrteng ha ki skhim Sorkar Kmie ba kynthup iaka Pradhan Mantri Garib Kalyan Yojana (PM-GKY)-ka scheme ba ia jingiarap ia ki baduk ba jynjar, ia ki riew kynthei ki ba don bank account ba lah plie hapoh ka scheme Pradhan Mantri Jan Dhan Yojana ( PMJDY).

Ka CSCs kala pynpaw ia ka jingsngewnguh ka ba khraw ia ki Rangbah Shnong, ka Police Department kiba iarap ia ki ha kaban pyniaid ia ka kam da khlem don ki jingklumar.