Plie paidbah ka Moolamylliang iaki light khrik khrik ban lehkmen Christmas

Syllad | The Rising MeghalayaDecember 19, 2021

Haka sngi Saitjain, ka shnong Moolamylliang kaba long kawei na ki model village ha East Jaintia kala plie paidbah iaki light Christmas Extravaganza.

Kane ka dei ka sien kaba ar ba ka shnong Moolamylliang kala pynriam iaka shong ka thaw da ki light khrik khrik ba har rukom ban lehkmen Christmas.

U Bah SS Syiemlieh incharge Deputy Commissioner East Jaintia Hills ula plie paidbah ia kine ki light haka jingiadonlang u Dr Sankey shangpung, chairman JHADC.

Ban sah kynmaw iaka jingdap 50 snem ka jingioh jylla ba pura, la shna kyrpang ruh iaka map jong ka Meghalaya kaba la pynwan dur tang da ki dieng kiba la thung kaba don ruh ia u logo ka jingdap sanphew snem. Ia kine ki light yn plie man ka sngi haka por 5 baje janmiet haduh ka 2/1/22.