Plie paidbah u MLA Jowai iaka 150 LPM Oxygen Plant ha MCH Hospital, Jowai

Syllad | The Rising MeghalayaJune 22, 2021

U MLA jong ka Jowai u ma Wailadmiki Shylla ula plie paidbah ïaka 150 LPM (Litres Per Minute) Oxygen Plant ha Maternal & Child Health (MCH) Hospital Jowai haka sngi ba Ar.

Kane ka Oxygen Plant kan pynioh lyer oxygen sha kane ka hospital kaba la buh kyrpang iaki briew kiba iabit iaka jingpang khlam COVID-19 kaba don 70 tylli ki jingthiah.

Ia kane ka Oxygen la synniang da ka United Nations Development Programme (UNDP) & People of Japan bad kum ne ka plant la buh ruh ha sor Tura.

Haba plie ia kane ka Oxygen Plant, ma Wailadmiki Shylla ula ai khublei iaka tnad ka koit ka khiah bad ka sorkar jylla kumjuh iaka UNDP.

“Ka jingdon jong kane ka Oxygen Plant kan long ka jingkyrkhu iaka District bad kan iarap shibun ia ki nongpang ba kin ioh ka jingsumar ha kane ka jaka sumar,” la ong u ma Wailadmiki Shylla bad ula banjur ia ki paidbah ban wan shakhmat ai tika COVID-19 khnang ban lah ban iakhun pyrshah iaka khlam COVID-19.

Kiwei kiwei kiba iadonlang ha kane ka jingplie paidbah ia kane ka plant ki kynthup ia u Deputy Commissioner, West Jaintia Hills District u Garod LSN Dykes, u Saron Pasweth, EM JHADC, u Octomewot Lamin, Nominated MDC, ka Dr. R Pohrmen nalor kiwei kiwei.