Plie pyrda ka Seng Samla Nongpoh Proper ia ka 4th Open to All Berchem Cup 2024 ha Nongpoh
Ka Seng Samla Nongpoh Proper ha ka 13 tarik mynta u bnai ka la plie pyrda bad sdang biang ia ka lympung ialehkai basketball kaba heh ha Ri Bhoi District ia kaba la tip kum ka “4th Open to All Berchem Cup 2024” kaba kit ia ka jingmut “Iawer Lang ban Pyniatylli” ha kaba la sdang ia kane ka lympung da ki jingiakhun hapdeng ki kynhun ialehkai basketball kiba la pyniap mat bad pynshongshit ia ki paidbah nongpeitkai kiba la wan ban sakhi ia ka jingplie pyrda ha ka madan ialehkai basketball ha Sajer, Nongpoh, Ri Bhoi District.
La wan plie ia kane ka lympung ialehkai da u Additional Deputy Commissioner (ADC), u Bah Raja Brahma kum u kongsan ha ka jingiadonlang u Bah Rayonald Kharkamni, General Secretary ka Nongpoh Town Committee, u samla Anthony Suchiang, General Secretary ka Dorbar Shnong Nongpoh, ki nongialam ka Seng Samla Nongpoh Proper ba kynthup ia u Samla Lumlang Shylla, President, u Samla Ronald Ranee, General Secretary lem bad kiwei kiwei ki riewpawkhmat paidbah ka dong ka thain Nongpoh.
Haba aijingkren u kongsan ula pynpaw ka jingkmen bad ai ka jingiaroh ia ka Seng Samla Nongpoh Proper kaba na kawei ka snem sha kawei pat ka la bteng ban pynim ia kane ka lympung ialehkai basketball ba la ai kyrteng “Berchem Cup” bad kaba kit ia ka jingmut ‘Ban Iawer Lang ban Pyniatylli” kaba long ruh ka rynsan ban ailad ia ki samla ban nang kyntiew ia ka kam ialehkai basketball bad ruh ban iada ia ki samla ban kiar na ki jingsniew bapher bapher khamtam ka jingkynrei jong u drok bad kiwei kiwei ki jaid jingsniew, kata da kaba kitbok ruh ba kum ka kynhun Samla kin nang lah ban shakri ia ka imlang ka sahlang khamtam ban kyntiew ia ki samla ha ka liang ka sports.
Ha kane ka sngi sdang ia kane ka lympung ialehkai la sakhi ia ki jingiakhun jong ki kynhun bapher bapher kaba kynthup naduh ki kynhun jong ki shynrang bad kynthei kiba la don kumba 15 tylli ki kynhun jong ki shynrang bad 5 tylli jong ki kynthei na kylleng ki jaka kynthup na East Khasi Hills Distrit bad Ri Bhoi District kiba iakhun ban iaknieh ia ka nam lahduh.
Na ka liang ka Seng Samla Nongpoh Proper ka la buh ruh ia ka jingkhalai nusib ne ka Lucky Draw ban kyrshan ia ka jingpyniaid ia kane ka lympung ialehkai basketball ha kaba ia ka Tarik ban pynbna ia ki nongjop kan long ha ka 27 tarik u Iaiong 2024 kaban dei ruh ka sngi pynkut ia ka lympung ialehkai.
Facebook
Instagram
Youtube
Twitter
Leave a Reply