Plie u bah Prestone bad Lahkmen ia ka Ri War College bad Cultural Centre ha Pynursla

Syllad | The Rising MeghalayaFebruary 26, 2022

U Symbud Myntri Rangbah ka jylla, ba dei artad u  MLA ka Pynursla ryngkat ka jingiadon lang u Myntri Kam pohiing bad tnat Pule Puthi, u ma Lahkmen Rymbui, ki la hiar sha ka shnong Rangthylliang ban plie ne ban khap artad ia u ribbon naka bynta ka Ri War College bad kumjuh ia ka Cultural Centre.

Haba phai sha ka jingplie ia ka kolej, kaba la seng ia ka naduh u snem 2009, hynrei ka dang shu dep ba kan ioh pat ia ka jingithuh kaba pura, na ka skul bah  pule North Eastern Hill University dang ha kine ki khyndiat snem ba la dep, kaba ha shwa jong kane, ia kane ka kolej, la ialam bad btin lynti ia ka da ka Seng Khasi College, Jaiaw, Shillong, hadien baka gorvening body kaba ha kata ka por, ka la kloi ba kan pdiang bd mynjur ia kane ka jingpan iarap jong ki nongpyniaid  ban shah ia ki ban ailad ia ki khynnah pule ban iakhun ia ka eksam na ka kolej ka jong ki.

Haba iadei bad ki nonghikai, ki bor pyniaid ka ri war college ki la leit ban shu kyrpad man la ki thliew iing ban kiyrpad ia kiba la pass ia ka MA ba kin sngewbha ban iarap ban hikai lem ha kane ka kolej, ha kaba don ruh ki kato katne ngut ki nonghikai, kim shym la treh ban shim wat tang  ia ka bainong hikai, ne don kiba la shu siew tang kumba 2 ne lai hajar tyngka shi bnai, hadien ba kane ka khubor ka la pur, la wan shuh shuh shakhmat ki  nonghikai na Shillong ki wan khnang.

Haba kren ha kane ka sngi, u bah Prstone, u iathuh ba ma ryngkat bad u Myntri Rangbah ki la shong ia kynduh lang hapdeng  jong ki ba dka kynhun ba ei jong ka tnat planning bad finance department, ha kaba u la ong ha kane ka jingialang ba shen kan sa jia ka kam bah hadien jong ka 17 tarik jong u bnai u ba lai.

Haba phai sha kiane ka kolej, u bah Prestone, u da pynpaw ia ka jingsngew nguh ia ki nonghikai, 12 snem taml;a long kumba shu ia hikai ei.

Hynrei la shem bad iohi ia kiba bun ki samla kiba la pass graduate lyngba jong kane ka kolej, kaba shu ia snoh kti tang malum mala. Haba kyrtiang dien sha ka mynnor kaba la leit, ki snem 1978 haduh 185-86, kiba pass matrik na ka Pynursla C&RD Block ym palat ia ka 30 ngut ha ka shi snem, u ba pass degree haduh u snem 1985 ym palat ia ka ar ngut, bad u kynmmaw ba ha kum kine ki snem, uno uno u ba pass ia ka degree, ki kmie ki kpa shi taiew lynter ki pynlong ia ka jingkhawai naka bynta u khun ba la pass ia ka degree.

Pynban mynta u bah Prestone u la ong ba ha ka shisnem ym lah shuh ban niew kiba pass degree ne pass matrik.

Ula ong ruh ba da ka jingiatreilang jong ka sorkar bad ki skul private ne ki skul ba la seng da ki nongtrei mon sngewbha ka pule ka puthi ha kane ka jylla ka la kiew, da kaba u la ai njuksa kum ka Seng Khasi, kaba ka Seng Kmie ha Shillong, kaei ka kam bah ba ki la leh ka long ka jingkyrkhu kaba khraw ia ka jaidbynriew ka.

Nakaliang u bah Lahkmen ha ka jingkren ka jong u, u la ong ba 12 tylli ki snem ba kane ka kolej ka la iaid, ha ka jingiasnoh kti lang ki nongshong shnong bad ka managing committee, ha kaba kum kane ka sngi kan nym urlong, lymda don ka jingiasnoh kti lang.

Pynban u la ong ba kane ka kolej,kaba don ha kane ka thain kam dei satia kaba suk ban lah ban ioh ia ka jingiarap, na ka sorkar, donkam ka jingiashaniah, kaba teng teng ne bun ki khep, political decision ki long kaba donkam, bad ong ba ki paidbah ki long kiba donkam ba ki don ia u Dy Chief Minister ha kaba donkam ia ka jingiatreilang, namar kum ka thain ka donkam, ba dna ka liangt jong ka sorkar kan pyrkhat ia kaei kaba biang tam.

Haba iadei ba dka Cultural Centre, la sngewthuh ba ka jingtei ia kum kane kawei pat ka shlem ai jinghikai, ka long ban ioh ban sain dur ia kimatti u mynbarim, kaba kum ki longdien la ioh ban diang ti ia ki.

La pynphuh pynphieng ia kane ka sngi, a ki jingrwai, ki jingshad bad la ai ruh ia ka memorandum, ha baroh arngut kine ki myntri ka sorkar jylla, ban kyntiew noh ia kane ka kolej shaka kyrdan People’s College ne ka Community College, khnang ban lah ha kaban sain dur shuh shuh ia ki khun samla na kane ka don ka thain ri war mihngi hi baroh kawei.