Plie u kyrtong MDC ka UDP iaka iing dorbar ka Namdong B

Syllad | The Rising MeghalayaJanuary 26, 2025

U kyrtong MDC sa ka JHADC bad uba long ruh u Waheh Shnong Namdong B u Damian S War kum u kongsan ula plie paidbah iaka iing dorbar ba thymmai jong ka shnong Namdong B haka 25 tarik Kyllalyngkot.

U Damian S War u dei u kyrtong ka UDP na 10 Mynsngat Khanduli bad kal UDP ruh kala dep ban pynbna dangshen ban u mih aireng na kane ka constituency.

Ha kane ka sngi plie ia kane ka iing dorbar thymmal la iadonlang u Waheh Shnong Namdong A Ma Arki Sumer, Waheh Shnong Ladmynngor Ma Wili Pasi, Waheh Shnong Myngngor, Waheh shnong Thadmukoh ma Hopingstar Phawa nalor u Waheh Raid Namdong u ma L. Lyngdoh bad u secretary Riad Namdong u Ma Isidol Pakma bad ki nongialam ka KSU West Jaintia, Nongialam ka FKJGP West Jaintia

U Secretary Shnong u Ma, Serus Lipon ula pyniaid iaka jingialang bad ka ka jingkren pdiang burom la ai da u Assistant Waheh Shnong u ma Andreas Sumer

Ia ki ktien maitphang la ai da Ma A. Shadap bad shibun ki nong kren kila iaroh bad ai mynsiem iaka jingtrei shitom  jong u waheh shnong bad ka sommittee shnong ban pynur long ia ka jingthrang da ka jing noh synniang ki nongshong shnong.

U Damian S War haba ai jing kren u la iaroh iaki paidbah nong shong shnong kiab la ai ka jingiatrei lang da kaba noh synniang nalor ka skim MLA bad MP.

Ula kyntu ruh iaki paidbah ban ai ka jing kyrshan ia u ha kane ka election MDC khnang ba un lah ban shakri khambha ia ki paidbah.

La kyrkhu bad duwai pynkyntang ia kane ka iing thymmai da u Fr. Dominik Kympat bad la pynphuh pynphieng ia kane ka sngi da ki jing shad tynrai naki dong bapher bapher.