Plie u ma Holando Lamin iaka Interdong ka Nongtalang Khlachympa

Syllad | The Rising MeghalayaSeptember 5, 2023

Ka lympung ialehkai football ka 6th Interdong Nongtalang Khlachympa kala sdang haka 2 tarik mynta u bnai hapdeng ka jingialehkai ka Nongtalang Mission pyrshah iaka New Nonglamin.

Ia kane ka Interdong la wan ban plie pyrda da u MDC ka War Central u Ma Holando Lamin u ba long kum u kongsan bad u MDC ka War West u Ma Het Pohthmi kum u symbud kongsan haka jingiadonlang U Officer Incharge ka Jowai Police Station u Ma Sunday Manar lem bad ki riew rangbah ba pawkhmat ka shnong Nongtalang.

Ka jingthmu ka tei ka Interdong bala pynlong daka Khlachympa Sports & Cultural Club ka long shibynta ban pynkiew iaka sap ka phong jong ki samla kiba don ka sap ka phong haka kam ialehkai football.

Hakatei ka jingplie pyrda iakatei ka interdong ka jingialekai hapdeng ka Nongtalang Mission pyrshah iaka New Nonglamin ka long kaba jwat haduh katta katta haduh ba katei ka jingialehkai ka la kut khlem don mano mano ban ioh pynkhih jar.