Plie u ma Nujorki Sungoh iaka Barato Police Outpost

Syllad | The Rising MeghalayaDecember 13, 2022

U MLA jong ka Mowkaiaw u ma Nujorki Sungoh ula plie paidbah iaka Barato Police Outpost haka sngi ba Ar.

Ha kane ka jingplie paidbah ia ka Barato Police Outpost la iadonlang u Deputy Commissioner, West Jaintia Hills District u BS Sohliya, Superintendent of Police, West Jaintia Hills District Bikram D Marak, MDC Barato Aiborlang Shadap, HT Well Sten u nongshong shnong ka Barato u dkhot ka Latympang Welfare Organisation kaba la sdang iaka jingdawa buh outpost 1994, ki waheh shnong bad secretary shnong ka Barato.

Iaka jingialang la pyniaid da ka Kong Crescency W. Lyngdoh, Deputy Superintendent of Police (HQ), West Jaintia Hills.

U Ma Nujorki Sungoh haba kren ula ong ba ka jingangnud u paidbah kala urlong mynta ka sngi bad kan sah jingkynmaw ha ka thain baroh kawei. Ka jingplie ia kane ka outpost kan wanrah iaka jingshngain bad ka jingiada kaba pura na ki bor jong aiñ.

“Kane ka thain mynshuwa ka kiew ka kam sniew na ka por sha ka por bad kane jingwan ka Barato Outpost kan ka jingshngain haka leit ka wan bad bad shongsuk shongsain hapoh shnong poh thaw,” la ong u ma Nujorki bad ula ai khublei ia nongialam shnong, MLA, ki MDC kiba treishitom ban pynioh ia kane ka outpost.

Ka Barato Police Outpost la ker sawdong iaka da ka Saitsama OP na Shatei (North), Jowai PS na kaliang Mihngi (East), Raliang OP na Shathie (South) bad ka Nartiang Police Station na Sepngi (West). Ka Barato Police Outpost la ker sawdong iaka da ka Saitsama OP na Shatei (North), Jowai PS na kaliang Mihngi (East), Raliang OP na Shathie (South) bad ka Nartiang Police Station na Sepngi (West).

Ki shnong kiban hap hapoh ka Barato Police Out ki kynthup iaka Barato, Mukroh, Saba, Maitdien, Jongkynshur, Iongkwang, Thangrain, Khliehsniriang, Shiliangmyntang, Thadsning, Thad Ialong, Musiaw, Samatan, Moobandu, Latymphu, Thadbamon, Umsalang, Lummuriap, Sowkhlieh and Bhain.

Da ka jingthaw iaka Barato Police Outpost, baroh ki jaka kiba hap ha Barato Police Outpost kin nym hap shuh haka Nartiang Police Station.