Plie u ma Winning Sungoh iaka ophis treikam ka VO Nongryngkoh

Syllad | The Rising MeghalayaNovember 27, 2021

U Ma Winning Garland Sungoh, Executive Member JHADC u ba dei khmih iaka tnad Taxation ula plie paidbah iaka ophis treikam jong ka Village Organisation (VO) Nongryngkoh kaba hap ha Laskein Block haka sngi Thohdieng.

Ha kane ka jingplie paidbah la pyniaid iaka jingialang da ka president VO Nongryngkoh ka Kong Roibok Passah haka jingiadonlang u waheh shnong Ma Watsing Papeng, u Ma Molning Lamare Adviser ka VO lem bad ki dkhot jong ka VO.

U Ma Winning haba kren kum u kongsan, u la ong ki longkmie ki don ia ka bynta ba khraw bha ban kyntiew iaka imlang sahlang bad u la kyntu iaki dkhot jong ki phra tylli ki SHG kiba hap ha kane ka VO ba kin don ka jingiashaniah iwei ia i wei bad lada don ka jingiapher jingmut dei ban pynbeit hapoh ki jingialang para dkhot ym dei ban ia thad madan ban pynbha iaka jingtreikam ka kynhun bad ban jop haka jingtreikam.

Ha kane ka sngi u Ma Winning u la ai ruh iaka jingiarap VO Nongryngkoh daki shuki ryngkat bad ka song pisa kum ka bai seng.

La ioh iaka jingkren pdiang na waheh shnong bad ruh ia ki kyntien ai khublei na u Ma Molning Lamare Adviser ka VO bad ruh la pynphuh pynphieng ia ka program da ki jingrwai na ki dkhot ka VO Nongryngkoh.