Plie u MDC Hababun Dkhar iaka khnap thangbru ha Psiar

Syllad | The Rising MeghalayaJanuary 25, 2025

Ka Seiñraij Psiar haka 23 tarik Kyllalyngkot kala ioh ha kaban plie paidbah iaka khnap thangbriew kaba tip kum ka ‘Kambel Shullai Eco Friendly Crematorium’ kaba la tei haka shnong Psiar kaba hap hapoh Laskeiñ Block.

Ia kane ka khnap thang briew la plie da u MDC Habahun Dkhar haka jingdonlang u MDC Aiborlang Shadap, u BDO Laskein FR Shadap, u Dolloi ka Elaka Jowai Puramon Kynjing, Dolloi Elaka Raliang Chawas Lyngdoh nalor kiwei kiwei haka jingialang kaba la pyniaid da u Boika Bhoi President Seinraij Psiar.

Ia kane ka khnap thang briew la tei ha u snem 2023 haka jinglut kaba 25 lak tyngka kynthup 20 lak tyngka na ka skhim MGNREGS bad 5 lak la ioh jingiarap na u MDC Hababun Dkhar.

U Habahun Dkhar haka jingkren ula iaroh ia u Ma Kambel Shullai (bam kwai ha dwar u Blei) uba lap nyngkong eh ia kane ka buit thang-briew kaba tip kum ka Khnap Thang-bru.

Kane ka khnap thang briew kadei kaba nyngkong ban shna lyngba ka skhim MGNREGS.