Poi hospital u Bah Prestone Tynsong ba lang snam hajan jabieng

Syllad | The Rising MeghalayaSeptember 10, 2024

U Symbud Myntri Rangbah ka Jylla uba khmih ia ka Tnad kam Pohiing, u Bah Prestone Tynsong haka 9 tarik Nailur u la poi shah sumar hapoh Nazareth Hospital, Shillong namar ka jinglang snam hajan jabieng, hynrei la ong ba ka jinglong jingman ka la kham biang.

Ka khubor sorkar ka iathuh ba la pynkit noh ia u Bah Prestone shapoh Nazareth Hospital ha ka por kumba 5 baje janmiet hapoh ka Department of Neurosurgery na ka bynta ka jingshitom lang snam hajan jabieng kaba tip kum ka Subdural Hemorrhage.

Na kaliang ki doktor ki dang bishar bniah halor ka jinglong jingman baroh, hynrei watla katta la ong ba u don pat hapdeng ka jingtip briew bad ka jinglong jingman kaba dang biang watla u dang don hapdeng ka jingshah khmih bniah da ki doktor kiba sumar ia u.