Poi ki BSF ban pahara ha Amlarem, kyntu ka JSU ban nym pyndik ia u paidbah

Syllad | The Rising MeghalayaSeptember 24, 2022

Hadien ka jingud jingnam jong u paidbah ba buh camp shipai ki BSF ha Amlarem, ka Jaintia Students Union (JSU) mar mar kala iakynduh ia u heh shipai ka BSF Dawki BOP ban kyntu ia u ban nym pyndik ia u paidbah ka thain War Jaintia.

U Treiborlang R Suchen general secretary ka JSU ula ong ba ki shipai kila kam ba kila buh ia kane ka camp shipai kadei shibynta ka Joint Mobile Check post bad ka dei kaba tang shipor.

U la ong ba nakaliang ka JSU kala kyntu iaki shipai ba kim dei ban pyndik iaka leit ka wan ki paidbah nongshong shnong ka thaiñ War Jaintia namar kadei ruh ka jaka kaba khring iaki nongwan jngohkai pyrthei.

Ka JSU kala dawa na ki BSF ban peitngor iaka jingrung jingmih tuh ki dkhar Bangla sha India habaroh ki shnong khappud bad iasam pud ka thain war bad ka ri Bangladesh. Lada synjor synjor ka jingpahara sha khappud, ka jinguh camp shipai ha Amalrem kam don jingmut, ong ka JSU