Police Commemoration Day: Kynmaw burom ki Pulit ka West Jaintia Hills iaki pulit bala pha iaka jingim
Man la u snem, 21 tarik u Risaw (October) la rakhe iaka Police Commemoration Day, ban kynmaw burom iaka pulit kiba la aiti iaka jingim haba pyndep iala kamram.
Ki Pulit West Jaintia Hills District Executive Force kila snohkti lang bad jylla bad ka ri baroh kawei ban kynmaw burom ia ki pulit kiba la aiti iaka jingim ba kordor haka por ba pyndep iala ka kamram ha Jowai Police Reserve.
La pynlong iaka jingbuh syntiew bad ka jingsngap ba jar jar shipor.
Ka Police Commemoration Day ka dei ka sngi ban kynmaw burom ruh ïaki 10 ngut ki pulit kiba la pha iaka jingim ha u Risaw 21, 1959 ha Ladakh katba dang iakhun bad ki shipai China na ka daw ka jingiakhajia pud. Naduh une u snem manla ka 21 tarik Risaw la rakhe ia kane ka sngi ban kynmaw iaki pulit kiba pha iaka jingim.
U Superintendent of Police, West Jaintia Hills Bikram D Marak ula pule iaka kyrteng ki pulit baroh kiba la pha iaka jingim haka jingshakri iaka kam bad aiti iaka jingim naka bynta ka ri. Ki don haduh 377 ngut ki pulit kiba la aiti iaka jingim haka jingshakri iaka ri.
Facebook
Instagram
Youtube
Twitter
Leave a Reply