Psiah BJP ka DHS warim ka Jylla

Syllad | The Rising MeghalayaDecember 28, 2023

Ka DHS warim ka chnat i Chait i khiah ka Meghalaya, ka Dr. Rita Tariang ynne ka sngi da psiah ko cha ka seiñ BJP Meghalaya wei da pdiang ya ka da u president ka seiñ, u Rickman G. Momin, hei emlang u state vice presidents u Khrawboklang Basaiawmoit, u Gagan Jain wa u Wankitbok Pohshna, kamjooh u General Secretary u Everist Myrsing wa ka state secretary ka Dr. Bernadette Lyngdoh.

U Momin hawa e yei klam da ong u wa ka Dr. Tariang da em ko chiboon i built khamtam wow pynjanai ya ka chnat i chait i khiah.

Da ong u wa ka party daw myntoi ko chiboon na ini khnang wow ye ko wow chakri ya ki paidbah ka jylla Meghalaya waroh kawi.

I daw wa psiah BJP ko, neiliang ka Dr. Rita Tariang da ong ko wa kani ka party man ko kawa pteiñ wow kreh u yarap ya kiwa duna hei yoh i laa deiwa kdaw ya ki Scheme wa har rukom wa wanrah da ka sorkar u montri rangbahdooh ka ri, u Narendra Modi Consequently, wei ka BJP e ko ya ka rynsaan wow chakri chooh ya ki paidbah ka jylla hanla man ko kawa da chong-ngiah.