Puk mih ki sengbhalang ha Jowai bad Khliehriat ban dawa jingbishar hok halor ka jingshah siat ïap Bah Cheristerfield Thangkhiew
Ki sengbhalang bapher bapher hapoh ka lama jong ka Sur Ki Nong Jaintia haka sngi Palei kila mih paidbah puk ha Khliehriat bad Jowai ban dawa iaka jingbishar kaba hok halor ka jingshah siat ïap u general secretary barim jong ka HNLC u Bah Cheristerfield Thangkhiew
Ki sengbhalang kaba kynthup iaka JSU, KSU, EJNC, HYC, JSM, JNC, FKJGP, HANM bad ka STIEH kila mih sha surok ban pyrta jam ban pynrem iaka sorkar MDA halor ka jingkuman jong ka ban sospon iaki pulit kiba dkhat jubor iaka jingim U Bah Cheristerfield Thangkhiew.
Ka Sur U Nong Jaintia kila pynlong iaka jingiaid paidbah bad ka jingialang ha Khliehriat ha u mot sahnam jong U Woh Kiang Nangbah bad ha Jowai la iaid paidbah ha kylleng ka sor Jowai da ki kali.
La pynlong iaka jingiaid paidbah na madan Ladthadlaboh haduh ha Lad Kiang Nangbah Government College.
Ka Sur U Nong Jaintia da kawei ka sur kala dawa ban sospon mardor ia u SP ka East Jaiñtia Hills u Jagpal Singh bad SP Traffic ka EKH u Shailendra Bamaniya kiba dei ki arngut kiba la lamkhmat ha ka jingleit khynra ha ïingsah U Bah Cheristerfield kaba don ha Mawlai Kynton Massar haka 13 tarik Nailar.
La dawa ruh ia u Ma Lahkmen Rymbui Myntri Kam Pohiiing ban hiar na ka shuki myntri bad dawa naka sorkar MDA ban pynioh iaka jingtohkit kaba laitluid.
Ka Sur U Nong Jaintia kala pynpaw ba kan donlang ryngkat ryngkat bad ka ïing ka sem u Bah Che. Haka juh ka por ka ai ka jingkyrshan kaba pura iaka Sur U Nong Mawlai.
Facebook
Instagram
Youtube
Twitter
Leave a Reply