Puk mih u paidbah ban pyrshah ïaka jingpynheh par mawshun ka Star Cement; hap pyndam ka MSPCB Ïaka Public Hearing

Syllad | The Rising MeghalayaMarch 19, 2019

JOWAI:  Ka jingthmu jong ka Meghalaya State Pollution Control Board (MSPCB) ban pynlong ïaka Public Hearing halor ka jingthmu ka Star Cement ban pynheh ia ka par tih Mawshun jong ka na ka 9 lakh ton shisnem sha ka 25 lakh ton shisnem kala pulom noh hadien ba ba u paid nongshong shnong ka Lumshnong, ki sengbhalang bad ki khynnah skul kila mih paidbah ban pyrshah jur iaka jingthmu jong ka kharkhana dewbilat haka sngi ba Ar.

Ka Dorbar Shnong ka shnong Lumshnong ha East Jaintia Hills ka la pynpaw ia ka jingpyrshah  kaba jur halor ka jingthmu ka Star Cement ban pynheh ia ka par tih Mawshun jong ka na ka 9 lakh ton shisnem sha ka 25 ton shisnem namar ba kala ktah iaka tyllong um bad pynjaklia ïaka lyer.

Nalor kata kane ka jaka ka jngai tang katto katne meter na ka jaka shnong briew ne ka shnong Lumshnong.

Ki senghalang ki kyrshan ïa ka dorbar shnong Lumshnong ki kynthup ïaka JSM, KSU, HANM, HYC, STIEH bad kiwei kiwei.