Pulom ka Public Hearing Umngot Hydro Electric Project ha Moosakhia
Ka Public Hearing kaba la khot pynlong da ka Meghalaya State Pollution Control Board (MSPCB) naka bynta ban shna iaka Umngot Hydroelectric Project kaba 210 MW ka MeECL kala pulom noh haka sngi Thohdieng haka shnong Moosakhia hadien ba da ki spah spah ngut ki nongshong shnong bad ki sengbhalang kila pyrshah jur ia kane ka projek.
Ki paidbah ba pyrshah kynthup ia ki sengbhalang, ka KSU, FKJGP, JSU, JSM, HYC, HYNF bad kiwei kiwei bad ki nongialam shnong hapoh ka Elaka Darrang ba kynthup ia ka Dawki, Dawki, Darrang bad kiwei kiwei haka jingialam u Pyrwa Lymba, Dolloi Elaka Darrang kila tur puk sha ka jaka ba pynlong public hearing ban pyrshah kaba la pynbor iaka bor district ban pynsangeh ia kane ka Public Hearing.
Nalor ki paidbah nongshong shnong, ki don ki kynhun bad ki seng kiba pyniaid iaki jaka jngohkai ha Wah Umngot ruh kila mih shakhmat bad pyrshah ia kane ka projek da kaba ong baka jingwan jong kane ka projek kan ktah ym tang iaka sawdong sawkun ka mariang, hynrei iaka jaka rep bad iaki dohum dohpnat bad kiwei kiwei jingthaw ba im haka wah.
U President ka Meghalaya Rural Tourism Forum, u bah Alan West Kharkongor ula ong ba ka jingwan snohktilang bad kine ki shnong ban pyrshah iaka projek kalong namar baka MeECL kam shym la leh kano kano ka sorjamin kaba paka ban iathuh shai iaki paidbah halor kane ka projek. Ula ong ruh ba bun kine ki shnong ki im jakpoh na ka Wah Umngot bad lada kane ka projek ka wan kan ai kam aijam ia ki katto katne, hynrei kiba bun pat ki nongshong shnong kin shah ktah haka rep ka riang, ka lad kamai jakpoh bad kan ktah ruh iaki jingthaw ba im haka wah Umngot.
Ka kong Manda Bareh kawei na ki dkhot jong ki Lai Kur Bareh, Pakshang, Ksar kala pynpaw ka jingbynñiaw namar ba wat maki ki trai jaka ruh kim shym la ioh jingtip halor kane public hearing. Kala kubur ba ki kyrshan iaka projek bording ka MeECL.
Ia kane ka projek pynmih bording, ka Raid Lyngshing kaba hap ha Mawkynrew C&RD Block, East Khasi Hills District ruh ka pyrshah jur ia kane ka projek pynmih bording ka MeECL.
Facebook
Instagram
Youtube
Twitter
Lada ka Sorkar ka kwah ban pyntrei ia kino kino ki projek, khamtam ki projek bording, ki sengbhalang, ki dei kiba nyngkong eh ban pyrshah bad ialam bakla ia ki trai khyndew.
Lada ka bording kam biang (ha ki por tlang ba duna um ha ki dam) namar ba ka MeECL kam don pisa ban thied bording na ki kompani pynmih bording kum ka NEEPCO, NTPC, NHPC bad kiwei kiwei, ki sengbhalang kidei kiba ha khmat eh ban dawa na ka Sorkar ban pynbiang bording.
Haba ka long kumne, hato ngi kum ki paidbah, ngi don ne em ka hok ban dawa na ka Sorbar ban pynbiang bording ia ngi baroh shi snem?