Pur ka jingpyrshah CAB sha War Jaiñtia

Syllad | The Rising MeghalayaFebruary 12, 2019

JOWAI: Ka jingpyrshah ïaka Citizenship Amendment Bill (CAB) 2016 kala pur sha War Jaiñtia ha kaba ka synjuk ki nongniah kali ka Chekri Diam Tourist Taxi bad ka Jaiñtia Students’ Union (JSU), War Circle kila lum jingïalang ha Amlarem ban pyrshah ïaka Bill.

Ïa kane ka jingïakhih pyrshah la pynlong ha jaka ieng kali ka thain Amlarem Sub-Division haka sngi ba Ar.

Ka Chekri Diam Tourist Taxi bad ka JSU ki pyrshah ia kane ka Citizenship Amendment Bill namar kane ka Bill kan wanrah ïa ka jingwan buhai shnong ki bar ri ha jylla Meghalaya bad kiwei ki jylla ha thain shatei lam mihngi.

U Lastborn Tongper, President bad u Secretary Lovely Swer ka Chekri Diam Tourist Association,kila ong ba ki ïasnohkti lang ban pyrshah ïaka CAB ka dei namar ba ka thain War kan shah ktah naka jingwan buhai shnong ki bar ri lada mynjur iaka Bill.