Pur ka jingthoh dak dawa ILP ha Jowai

Syllad | The Rising MeghalayaJuly 28, 2021

Kum ka dak ban pyrshah iaka sorkar jylla bad sorkar pdeng halor ka jingdawa pyntreikam iaka Inner Line Permit (ILP) ha Jylla, ki briew kiba ym lah satia ban ithuh kila thoh iaki dak dawa ILP ‘No ILP No Rest’.

Kala don ruh ka jingthoh ‘Ngi Dawa ILP Ym Ban Iakhlad Ri’ ‘Lada ka Sorkar India kam ai iaka ILP ko sorkar jong ngi ia khlad noh na ka’ ong ki jingthoh kiba la thoh sha ki biar bad kynroh ha sor Jowai bad kiwei kiwei ki jaka.

Ka daw jong ka jingpyrshah namar ka sorkar pdeng kam shym la kren shai la kan pynurlong ia ka jingiakren ban pynioh ILP.

Shuh shuh ki don ki dak ki shin ba ka jingthoh dak bad ka jingthang tyre kala jia hakhmat thanad Jowai Police Station.