Pyllait ka Congress da ka website ban pyniajan iaka jingiadei bad u paidbah

Syllad | The Rising MeghalayaOctober 6, 2024

Ka Meghalaya Pradesh Congress Committee (MPCC) ha ka 5 tarik u Risaw ka la pyllait paidbah ia ka official website jong ka party.

Ia kane ka website jong ka party la pyllait da u President ka MPCC u Bah Vincent H. Pala ha ka jingiadon ryngkat lang u MP ka Tura u Saleng A SAngma, u incharge ka AICC u Adv. Mathew Antony bad u General Secretary ka MPCC u Sanjay Das.

Ka jingthmu ba kongsan ha kaba pyllait ia kane ka website kalong ban kyntiew ia ki lad jingiakren, ban ioh ia ki jingshai, ban pyniajan hapdeng ki nongshong shnong ka Meghalaya, ban sam ia ki jingtip kiba iadei bad ka party nalor kiwei kiwei pat.

Na ka bynta ki jingtip ba kham bniah ki paidbah ki lah ban leit lyngba ka meghpcc.com.