Pyllait ka Indian Navy iaka Jhad MV Lila Norfolk na kti ki runar duriaw

Syllad | The Rising MeghalayaJanuary 6, 2024

Ki shipai duriaw ka Indian Navy, ka INS Chennai haka 5 tarik Kyllalyngkot, haka jingialeh pyrshah bad ki runar duriaw ne ki Pirate haka por kumba 3:15 baje nohphai sngi da kaba pyndonkam iaki liengsuin Maritime Patrol Aircraft, Predator MQ9B bad kiwei kiwei ki la lah ban pyllait iaka Jhad kit mar kaba tip kum ka MV Lila Norfolk na ka kti kitei ki runar ha duriaw Arabian Sea.

Kumban shu pynkynmaw, kane ka Jhad dei kaba la shah rah bor haki runar kiba suba napoh Somalia kiba kiew ha kane ka Jhad kit mar haka janmiet 4 tarik kiba don kumba 5-6 ngut kiba kieng bad ki suloi ryngkat bad ki tiar ialeh.

Naduh ba shah rahbor kane ka Jhad kit mar haka janmiet 4 tarik, ka INS Chennai ka la buddien ban iarap pyllait ia kane ka Jhad.

Ki shipai kyrpang ka Indian Navy ne ki MARCOS hadien ka jingbuddien ka INS Chennai ia kane ka Jhad kit mar ki la hiar ha MV Lila Norfolk bad ki la pynthikna ba ki runar kim don shuh na kane ka Jhad.

Ha kane ka Jhad baroh ki briew ki don 21 ngut bad na kine 15 ngut dei ki nong India bad la lah ban pyllait iaki baroh.

Ia kane ka jingjia la buddien da baroh ki Ri ka pyrthei, bad la shaniah ruh haki shipai Indian Navy ban pyllait ia kane ka Jhad namar ba kidei kiba tbit bha ha kane ka kam ban pahara iaki duriaw bah na kum kine ki kam.

#IndianNavy’s Swift Response to the Hijacking Attempt of MV Lila Norfolk in the North Arabian Sea.
All 21 crew (incl #15Indians) onboard safely evacuated from the citadel.

Sanitisation by MARCOs has confirmed absence of the hijackers.

The attempt of hijacking by the pirates… https://t.co/OvudB0A8VV pic.twitter.com/616q7avNjg

— SpokespersonNavy (@indiannavy) January 5, 2024