Pyllait ka Meghalaya ia ka online lottery ba T.50 klur, ka sien ba nyngkong eh hapoh ka Ri India

Syllad | The Rising MeghalayaSeptember 11, 2024

Ka Sorkar Meghalaya hynne ka 10 tarik Nailur ka la pynbna halor ka jingsdang ia ka EasyLottery.In, kaba dei ka Lottery kaba nyngkong eh jong ka Ri India ba la pyntreikam pura da ki kor Digital ha ka jingialang ba la ia don lang u Myntri Rangbah ka Jylla u Conrad K Sangma, u Pravin Bakshi Commissioner & Secretary – ERTS, Meghalaya, ka MSN Marak Director ka Meghalaya State Lottery nalor kiwei pat.

Ka website easylottery.in kan pyni live halor kane ha kaba ki nongjop ba nyngkong eh kin ioh ia ka khusnam da ka song pisa kaba haduh T.50 klur. Ka EasyLottery.in ka kular ruh ban long ka jingkylla ha ka liang ka rukom pynialehkai lottery kaba khuid ba suba, kata naduh ka por ba thied ia ki tiket haduh ka jingpyllait ia ka khusnam kaba da ka pisa.

U CM ha ka jingkren u la pyrto ia kane ka sienjam ban wanrah i ka jingtreikam kaba kham khuid bad ha ka rukom kaba kham shemphang ha kaba iadei bad ka lottery lyngba ka kor digital. U la kdew ruh ba ka lottery ka dei beit ka jingialehkai kaba dei beit ia ka nusib, ka lad digital kaba khuid ba suba namar ka EasyLottery ka ailad ia ki briew bad ia ka imlang sahlang ban ioh jingmyntoi. Kiba bun ki nong India mynta ki la duh noh ia ka por ba kordor jong ki ha ki jingialehkai Online Games bad ki jingiathong lyngba ki apps kiba beain ia kiba la shna khnang ban pynkyrni ia kiba ialehkai.Kumta ka jinglong jingman ka bym ia pein halor ka jingsngewtynnad bad ka jingmyntoi ia ka imlang sahlang, hynrei ka EasyLottery ka dei kaba la shna pynwandur ha kaba kiba jop kin ioh jingmyntoi na ka bad lada phi rem ruh ka khajna ba la siew na ka bynta kane kan leit biang sha ka imlang ka sahlang bad ka ri kan ioh ia ka jingmyntoi.

Ka Easy Lottery kan long ka bynta kaba kyrpang ha kaba iadei bad ka jingieng skhem ha ka mishon ka jingialehkai lottery ba don jingkitkhlieh. La pynbit pynbiang ia kane ka jingialehkai online ba yn lah ban lap ia kino kino ki briew kiba rem lynter, hynrei kiba iai bteng ban thied tiket ha kaba mardor yn pynsangeh shipor ia ka account jong ki. Kane ka long ban pynthikna ba ki nongialehkai ki pyrshang ia ka nusib jong ki ha ka lynti kaba shngain bad katkum ka bor jinglah. Katba ia ki account jong kiba jop yn ym pynsangeh wat tang shi por ruh.

Ka jingpyrkhat hi ka long ba ki nongjop ki dei ban ioh jingmyntoi na ki khusnam kiba ki la jop, hynrei lada jia ba ka poi sha u pud ba ki sdang ban pynpaw bala ngop ha kane ka jingkhalai, ngi lah ban wan shakhmat ban iarap. Ha ka jingpyrshang ban khanglad ia ki kam shukor pisa, ka EasyLottery ka pynthikna ba tang u nongthied ia ka tiket ba jop un dei u nong ioh pdiang ia ka khusnam ha kaba yn ym lahruh ban pynkynriah ia ka tiket shawei pat katkum ka polisi.

Ki tiket, ka dor bad khusnam; Ha ka jingpyrshang ban buh hakhmat ia ki nongshong shnong jong ka ri bad ban thaw ia ka lad ban ia jop lang hapdeng ki nongiashim bynta baroh, ka EasyLottery ka pynthikna ruh ba ki jinglut jingsep kiba hapdeng ki long kiba rit. Nalor kata ka rukom thied tiket ruh ka ai ia ki laitylli ki lad ia ki nongiashim bynta ba kin jied kaei kaba ki sngew iahap, kata katkum ki jingkdew.

Option 1: Ka jingjied lypa, ha kaba ia u nombar tiket la jied lypa da ka system.

Option 2: Ka jingjied ia ka jingkhein baroh, ha kaba uwei u lah ban jied ia u dak naduh uwei haduh khyndai, ha kaba ka jingniew lang jong ki dak jong u nombar tiket kan long katkum ki nombar kaba kila jied.

Option 3:  Ka jingjied kaba pura, ha kaba ki nongthied kin ioh laitluid ban jied ia u nombar tiket kaba ki kwah.

Ka EasyLottery kan don ka lad kaba bun tam ban jop ia ki khusnam bapher bapher kaba kynthup ia ka khusnam ba wan nyngkong kaba long 50 klur, kaba dei ka khusnam kaba heh tam ha ka histori jong ki lottery ha ka ri India.

Kawei pa kawei ka tiket ka shong dor 5,000/- kaba long kham duna tam haba ia nujor bad ki lottery ha ki ri bapher bapher.