Pyllait ka Sorkar Pdeng ia ka 1st Installment jong ka Untied Grant ba T.27 klur sha ki ADC ka Jylla

Syllad | The Rising MeghalayaNovember 13, 2024

Ka Sorkar Pdeng ka la pyllait ia ka Fifteenth Finance Commission (XV FC) Grants, kaba dei ka 1st installment jong ka Untied Grants jong u snem mang tyngka 2021–22 kaba kot sha ka T.27 klur kaba dei na ka bynta ki shnong ki thaw ha ka Jylla Meghalaya lyngba ki laitylli ki Autonomous District Council (ADC) ka jylla kiba kynthup ia ka KHADC, GHADC bad JHADC.

Ka Sorkar Pdeng ka la pyllait ruh ia ka Fifteenth Finance Commission (XV FC) Grants jong u snem mang tyngka 2024–25, na ka bynta ki shnong ki thaw ha Kerala kaba dei ka 2nd installment jong ka Untied Grants kaba kot T.266.80 Klur. Kane ka bhah ka dei na ka bynta ki 14 district ki District Panchayat, baroh ki 152 tylli ki Block Panchayat bad ki 941 tylli ki Gram Panchayat ha ka jylla.

Ka Sorkar Pdeng lyngba ka Ministry of Panchayati Raj and Ministry of Jal Shakti (Department of Drinking Water and Sanitation) ka la aijingmut ban pyllait ia ka XV–FC Grants sha ki jylla na ka bynta ban kyntiew ia ki kam shnong kam thaw.Ia kane ka bhah mang tyngka la tyrwa bad pyllait ha ki 2 installment jong ka snem mang tyngka.

Ka United Gransts ba la pynioh sha ki bor pyniaid shnong ka dei na ka bynta ban peit ia ki jingdonkam katkum ki 29 tylli ki sobjek kiba la kdew ha ka Eleventh Schedule jong ka Riti Synshar Ri, lait noh tang halor ki jinglut jingsep kiba iadei bad ka tulop lem bad kiwei kiwei pat ki jinglut jingsep.

Ha kajuh ka por ka Tied Grants ka dei kaba thmu na ka bynta ban aijingkyrshan ha ki kam ki jam kiba kynthup halor ka khuid ka suba bad ban pynneh ia ka kyrdan kaba lait na ka jingleit jakhlia (ODF), kaba kynthup ia ka jingpyniaid ia ki jaboh jabain ha ki iing ki sem, ka jingpynkhuid ïa ki jaboh jabain na ki painkhana, ban pynthikna halorka jingpynbiang ia ka um bam um dih ryngkat bad ka jingpynlang ia ka um slap bad ka jinglah ban pyndonkam biang ia ka um.

Ka Sorkar India ka dang iai bteng ban trei shitrhem ban pynkhlain ia ki jingsynshar shnong synshar thaw ha ki thain nongkyndong da kaba aibor ia ki Panchayati Raj Institutions (PRI) / ki Seng jong ki trai shnong ha ki thain nongkyndon lyngba ka Fifteenth Finance Commission (XV FC) Grants.