Pyllait khaw rashon ha West Jaintia Hills

Syllad | The Rising MeghalayaSeptember 11, 2024

U Deputy Commissioner (Supply) u la pynbna paidbah ba la pyllait ia u khaw AAY, PHH bad u non-NFSA na ka bynta u bnai September (Nailur), 2024 sha baroh ki wholesalers na ka bynta ban pynpoi sha ki FPS centre.

Ka bhah khaw Antyodaya Anna Yojna (AAY) yn sam ha ka jingioh ka ba 35 Kgs shi khlieh shi bnai bad ym donkam siew dor (free of cost). Ka bhah na ka bynta ki Priority Household (PHH) yn sam ha ka jingioh ka ba 5 Kgs shi khlieh shibani bad ymdonkam siew dor (free of cost).

Katba ki Non- NFSA yn sam haka jingthew kaba 7.105 Kgs shi card/iing ha ka dor ba la pynbeit da ka Vigilance Committee bad ym dei ban die tam ia ka dor Rs.14/- shi kg.

U Deputy Commissioner u la bthah ia ki FPS dealer ba ki die ban wan shim, ia ki permit na ka ophis jong u Deputy Commissioner (Supply) bad ban sam pyndep hapoh 10th October (Risaw), 2024 khlem pep da ka ba pyndonkam ia ki e-pos machine da ka online mode. 

Shuh shuh na kaliang u Sub-Divisional Officer (Supply), Amlarem Sub-Division u la pynbna paidbah ba ia u khaw u ba hap hapoh ka NFSA (AAY & PHH) bad ka Non-NFSA naka bynta u bnai September, 2024 yn sdang ban pyllait noh sha baroh ki Fair Price Shop Dealers haduh ka 15 tarik u bnai September, 2024.

Lada don kino kino ki ba shim da ka pisa ne ki bym ioh ia kitei ki mar jong ki, ki lah ban sha ka ophis u SDO (Supply).