Pyllait khaw rashon ha WJH

Syllad | The Rising MeghalayaDecember 14, 2024

U Deputy Commissioner (Supply) u la pynbna paidbah ba la pyllait ia u khaw AAY, PHH bad u Non-NFSA na ka bynta u bnai Nohprah, 2024 sha baroh ki wholesalers na ka bynta ban pynpoi sha ki Fair Price Shop (FPS).

Ka bhah khaw Antyodaya Anna Yojna (AAY) yn sam ha ka jingthew kaba 35 kilo shi khlieh shi bnai bad ym donkam siew dor eiei (free of cost). Ka bhah Priority Household (PHH) khaw yn sam 5 kilo shi khlieh shi bnai bad ymdonkam siew dor (free of cost).

Katba ka bhah Non- NFSA yn sam ha ka jingthew 7.105 kilo shi card/iing ha ka dor ba la pynbeit da ka Vigilance Committee bad ym dei ban die tam ia ka dor T.14/- shikilo.

U Deputy Commissioner u la bthah ia ki FPS dealer ba ki dei ban wan shim, ia ki permit na ka ophis jong u Deputy Commissioner (Supply) bad ban sam pyndep hapoh 10 tarik Kyllalyngkot (January) khlem pep da ka ba pyndomkam ia ki e-pos machine da ka online mode.