Pyllait paibah iaka kot ‘The Legend of Harib and Sæk’ bala thoh da u nongthoh khubor barim ka rilum Jaintia

Syllad | The Rising MeghalayaJuly 3, 2021

U Ma Saron Pasweth, EM jong ka Jaintia Hills Autonomous District Council (JHADC) ula pyllait paidbah iaka kot kaba kyrteng ‘The Legend of Harib and Sæk’ kaba la thoh da u ma S Quotient Sumer uba long uwei na ki nongthoh khubor barim ka rilum Jaintia haka sngi Saitjain.

Ia kane ka kot la pyllait paidbah ha ïing sah jong u ma S Quotient Sumer ha Laloo Vaza, Panaliar, Jowai.

Kane ka kot ‘The Legend of Harib and Sæk’ kadei ka kot kaba la thoh u ma S Quotient Sumer ban ialehkai drama bad la shon ruh iaka haka ktien pnar, hynrei da ka jingai mynsiem ka Dr. Jenniefer Dkhar, nonghikai St Edmunds College kala ai jingmut ban pynkylla sha ka phareng kaba u ma S Quotient Sumer ruh ula mynjur.

U Ma Riquoma Rq Laloo, u khun jong u ma S Quotient Sumer ula ong “Dei naka jingai mynsiem ka Dr. Jenniefer Dkhar bad kum shibynta ban pynhun iaka jingangnud u kpa jong ngi, ngi la rai ban pynmih haka ktien phareng.” Ula ong ruh ba kane ka kot shaphang ki ar ngut ki jinglong jong ki briew U Harib bad u Sæk, ka dei ka jingthoh kaba la thoh I pa ban ialehkai drama haka shnong Panaliar.

“Bun ki briew kila iathuh khana iaka jingbang kane ka drama, hynrei ban tip lut iaka khana ym don ba tip bad kala pynlong I pa ban shon ne pynmih da ka kot da ka ktien Pnar,” la ong u ma Laloo.

U Ma S Quotient Sumer, ula ong ba nalor kane ka khana jong kine ki ar ngut, ka dang sa kawei ka khana shaphang u Swet bad u Sangari kaba don iala ka jong kaba khana halor ka jinglong jingman ki briew.

U Ma Saron Pasweth uba long ruh u MDC ka thain ula kitbok kitrwiang ia u ma S Quotient ba u nanglah ban pynmih iaki kot bad kumjuh iaka khana u Swet bad u Sangari.

Ia ka jingilang la pyniaid da u ma Wanbi Laloo bad iaka kyntien ai khublei ai da u ma Sajay Laloo, u khun jong u ma Quotient, uba long ruh u nongthoh jingrwai poetry.