Pyllait paidbah ïaka kot niam Ai Ma Phi

Syllad | The Rising MeghalayaJuly 31, 2022

U Rev Dr. H.C.T. Sumer Ex Senior Executive Secretary KJP Synod Mihngi ula pyllait paidbah ïaka kot niam kaba kyrteng “Ai Ma Phi” kaba la shim na ka Gospel u Mathaios 14: 17 kaba la thoh da u Rishotki S Dkhar.

Ïa kane ka kot la pyllait paidbah haka jingïalang kaba la long ha Musniang haka sngi Thohdieng haka jingïadonlang u Rev Rihok-i- Laloo, ki nongïalam ka Balang Presbyterian ryngkat ki paralok.

U Rishotki S Dkhar ula ïathuh, ka jingthmu ban thoh ïa kane ka kot, ka long hadien ka jingïohi ïaka jingdawa bad ka jingdonkam jong kiba bun ki briew khamtam eh ha nongkyndong ïaki kot ki ban ïarap ïaki khamtam eh haka jingshakri ïa U Blei.

U Pastor H.C.T Sumer kum u kongsan ula ong ban long ki nongthoh kot kam dei ka kam kaba suk hynrei hap ban ïaid lyngba kiba bun ki jingeh. Ula ïaroh bad kyrkhu kyrdoh ïa u nongthoh ba un kiew shaphrang bad nangpynmih ïa ki jingthoh lyngba ki kot khnang ba kan long ka jingkyrkhu ïa ka nongpule.

Khyndiat shaphang u nongthoh udei u samla uba la pyndep ïaka jingpule Bachelor of Divinity ha John Roberts Theological College Mawklot, Shillong. U juh pynmih ruh ïaki jingthoh (Article) ha ki kot khubor bad ki magazine.