Pyllait paidbah ka Dorbar Chnong Moosalyngkat, Jowai iaki ticket lucky draw

Syllad | The Rising MeghalayaSeptember 25, 2024

Ka Moosalyngkat Dorbar Chnong, Jowai, sa shisien mynta ka kynti ruh kala pyntip ba kan pynlong biang iaka fete shnong bad ka jingpynkhalai nusip ne lucky draw haka 11 bad 12 tarik bnai Nohprah (December) 2024.

Kumta ban pyniaid shakhmat iaka jingdie iaki ticket lucky draw, la pyllait paidbah ia ki ha ka jingialang kaba lyngkot kaba la pynlong ha community hall jong ka shnong haka 24 tarik Nailur.

U MDC ka Jowai Central Bah A.A Shullai, kum u kongsan ula pyllait paidbah ia kine ki ticket lucky draw bad ula kitbok kitrwiang ba kin iaid iew bad ban iaid beit iaid ryntih ki jingthmu ka shnong.

“Ka pisa kaba mih na ka lucky draw ka dei na ka bynta ban kyrshan ha ka jingiadei bad ka Community Hall jong ka Shnong,” la ong u Waheh Chnong Bah Daniel Dan, uba la ai ia ki kyntien lamphrang. La   pyniaid iaka jingialang, Chairman Waheh David Blah haka jingiadonlang ki waheh shnong barim Bah R Tariang bad  Bah A Suting bad kiwei ki riew rangbah ka shnong, ki dkhot ka EC, Chairperson & Secretary Sein Manbei, Youth Wing bad ki dkhot ka Shnong. La ioh iaka jingkren ai khublei na u ma Yester Shangpliang, Co-ordinator Lucky Draw.

Ki khusnam ne ki prize mynta ka kynti baroh kila kynjoh sha ka  T. 1 lak 90 hajar ki kynthup iaka- 1st Prize- T. 1 lak, 2nd Prize- 50 hajar, ka 3rd Prize – 30 hajar bad (shiphew tylli) ki consolation prize T.1000 kawei. Ka dor jong kawei ka ticket ka long T.30 kawei.

Ka Moosalyngkat Dorbar Chnong kala kyntu ia baroh ban ai iaka jingkyrshan iaka shnong da kaba thied ia ki ticket lucky draw bad da kaba ia wan sha ka fete shnong khnang ba ki jingthmu ka shnong na ka bynta ban ioh shna pyndep ia ka Community Hall ka shnong kin long kaba jop