Pyllait paidbah u Ma Sniawbhalang Dhar iaka kali IVCS Mynsngat

Syllad | The Rising MeghalayaApril 7, 2022

U Myntri Sorkar jong ka tnad pynroi sor uba long ruh u MLA ka Nartiang Ma Sniawbhalang Dhar ula pyllait paidbah iaka kali Mahindra Bolero Pickup jong ka kynhun ki IVCS (Integrated Village Cooperative Society) haka shnong Mynsngat haka sngi Palei.

Ia kane ka kali la aiti sha ki nongialam ka IVCS Mynsngat haka jingialang kaba lyngkot kaba long ha Mynsngat ki nongialam shnong kiba kynthup ia u Waheh Chnong Linusphrangki Phawa, Secretary Chnong Mynsngat ma Precious Pale nalor kiwei kiwei.

Ki nongkitkam ka IVCS society kila ai khublei kyrpang ia u Ma Sniawbhalang Dhar u ba la pynioh ha ki ia kane ka kali khnang ba kin ioh ka lad ban kit iaki mar rep mar riang bad ban pynpoi sha ki iew ki hat ban im jakpoh.