Pyllait riti treikam & pynthmmai nongkitkam ka EJNC

Syllad | The Rising MeghalayaNovember 25, 2019

KHLIEHRIAT: Ka East Jaintia National Council (EJNC) ka la pyllait paidbah iaka riti treikam bad ha kajuh ka por kala pynthymmai iaki nongkitkam jong ka seng na ka bynta ka samoi treikam jong u snem 2019-20.

Ia kane ka riti treikam la pyllait paidbah haka jingialang paidbah kaba la long haka sngi Saitjain ha Khliehriat West Community Hall haka jingialang kaba la pyniaid da u Nangjan Dkhar General Secretary EJNC-CEC.

Hashwa ban pyllait iaka riti treikam ka seng ka la don ka jingsngap jar kum ka dak ka jingkynmaw burom ia u President barim ka seng u Shanbok L. Syad (Bam kwai ha dwar U Blei).

U Sambormi Lyngdoh President ka seng haka jingkren ula ong ka jingdon ka riti treikam kan long kum ka jingteh jingkhum iaki dkhot nongkitkam na ka bynta ka bha ka miat jong ka imlang sahlang.

“Kum ki nongialam bad ki dkhot jong ka seng ym dei ban kwah ia kata ka nam da kaba pynbudnam ia kiwei hynrei ai ba ka kam kaba trei lyngba ka lama jong ka EJNC kan wanrah ia kata nam ka ban pynsah nam hakhmat ka ri bad ka jaitbynriew,” la ong u Sambormi.

Hadien kane la pynthymmai iaki nongkitkam jong ka CEC bad EJNC-Khliehriat circle kiba kynthup ia u Allmiki Ryngkhlem Vice-President EJNC-CEC, u Mehi Rymbai Asst General Secretary EJNC-CEC, Hebormi Shylla Publicity Secretary EJNC-CEC, Niniwanbiang Sungoh Finance Secretary EJNC-CEC, Training Phawa Sport Secretary EJNC-CEC.

Ki nongkikam EJNC-Khliehriat Circle ki long u President Eviden Triang, Vice-President Eborlang Rymbai, General Secretary Shanborlang Bamon, Assistant Secretary Redify Bareh, Publicity Secretary Teibor Bhoi, Organising Secretary Emiki Nongtdu, Education Secretary Lionel Dkhar, Sports Secretary Rilang Sympli, Finance Secretary Boime Nongtdu, Discipline Secretary Damewanki Dkhar, Art & Culture Secretary Seilestin Dkhar, Office Secretary Jeery Nongtdu bad 4 ngut ki dkhot ka Executive Committee.